Lignezouriezh
![](http://178.128.105.246/content-http-upload.wikimedia.org/wikipedia/commons/thumb/2/21/Puzzle_stub_cropped.png/36px-Puzzle_stub_cropped.png)
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
Studi an dud a zo bet hendadoù (pe diagentidi) un hinienn pe a zo bet diskennidi dezhañ eo al lignezouriezh, houmañ pleustret gant al lignezourien, amatourien pe dud a vicher. Ur skiant harp d'an istor eo. Evit kavout roudoù an hiniennoù e vez furchet e meur a seurt skridoù : renabloù, dielloù an noterien, enskrivadurioù war vaen hag all. Evit dispak disoc'hoù an enklaskoù ha liammoù kerentiad etre an hiniennoù e vez savet taolenn-lignez. Hollad an diagentidi d'un hinienn eo al lignez.
Istor al lignezouriezh
[kemmañ | kemmañ ar vammenn]A-gozh e klask an dud uhel mirout roudoù o lignez, dreist-holl lignez an tadoù. Gwechall (hag hiziv e kornioù'zo ar bed) e veze miret koun al lignez dre ar c'homz ha dre ar c'han ken e veze savet meurganoù gant danevelloù war lignezoù enno. En o zouez ez eus oberennoù Homeros, an Ilias hag an Odysseia. Er Bibl (en Testamant kentañ) ez eus rolloù diagentidi an dud pennañ (Noe, Abraham, Mose, Jezus, da skouer).