Mehmet IV
![](http://178.128.105.246/content-http-upload.wikimedia.org/wikipedia/commons/thumb/4/41/IV_Mehmed_b.jpg/220px-IV_Mehmed_b.jpg)
Mehmet IV pe Mehmet ar Chaseour, ganet d'an 2 a viz Genver 1642, a voe naontekvet sultan an impalaeriezh otoman.
Mab e oa da Ibrahim I ha da Turhan Sultan.
Ren a reas eus 1648 betek 1687, da lâret eo ar ren hirañ goude hini Suleyman ar Meurdezus.
Yaouankiz
[kemmañ | kemmañ ar vammenn]Penn kentañ e ren a voe ur prantad dizurzh. Meret e veze ar vro gant e vamm-gozh, Kösem Sultan hag e vamm. Kevezerezh a greskas etre an div vaouez betek ma voe dizoloet un irienn savet gant Kösem Sultan evit distroadañ Mehmet IV. Tud Turhan Sultan a lazhas neuze mamm-gozh ar sultan (1651).
Ren
[kemmañ | kemmañ ar vammenn]Dindan ren Mehmet IV e kendalc'has diskar an impalaeriezh.
E 1656 e voe trec'het an Otomaned gant Venezia dirak strizh-mor an Dardanelloù. Kollet e voe an inizi Bozcaada ha Limni ha panik a savas en Istanbuliz.
Goude meur a emgann kollet a-enep da Aostria, Venezia ha Pologn e voe distroadet Mehmet IV gant an arme d'an 8 a viz Du 1687 ha lakaet e vreur Suleyman da ren en e blas.
Mehmet IV a varvas d'ar 6 a viz Genver 1693 en Edirne. Sebezet e voe er Voskeenn Nevez (Yeni Camii), ur voskeenn a oa bet boulc'het e 1597 diwar urzh gwreg Murat III ha peursavet e 1663.
![](http://178.128.105.246/content-http-upload.wikimedia.org/wikipedia/commons/thumb/7/7b/Yenicamii_01447_Nevit.jpg/250px-Yenicamii_01447_Nevit.jpg)
En e raok: Ibrahim I |
Sultaned an Impalaeriezh Otoman ![]() 1648 – 1687 |
War e lerc'h: Süleyman II |