Melchior Ndadaye
Neuz
![](http://178.128.105.246/content-http-upload.wikimedia.org/wikipedia/commons/thumb/2/2a/Melchior_Ndadaye.png/220px-Melchior_Ndadaye.png)
Melchior Ndadaye (28 a viz Meurzh 1953 - 21 a viz Here 1993) a oa ur politikour Hutu eus Burundi, bet prezidant ar vro e 1993.
Kemer a reas perzh Ndadaye e krouidigezh ar strollad politikel FRODEBU (Front pour la Démocratie au Burundi) e 1986. Gounit a reas an dilennadeg demokratel kentañ aozet d'ar 1añ a viz Even 1993. Daoust m'eo an Hutued a ya d'ober muiañniver poblañs Burundi e veze renet ar vro gant an Tutsied betek-hen. Ndadaye a anvas Sylvie Kinigi, un Tutsi, da Vinistrez kentañ.
Melchior Ndadaye a voe lazhet e-pad un taol-Stad aozet gant an arme d'an 21 a viz Here 1993. Kaoz e voe an darvoud-se eus ur brezel diabarzh spontus etre Tutsied ha Hutued hag a varvas ennañ etre 50 000 ha 200 000 den.