Rocabarraigh
Neuz
(Adkaset eus Rockall)
![](http://178.128.105.246/content-http-upload.wikimedia.org/wikipedia/commons/thumb/3/39/Location_map_Rockall.jpg/200px-Location_map_Rockall.jpg)
![](http://178.128.105.246/content-http-upload.wikimedia.org/wikipedia/commons/thumb/3/36/Rockall_wave_March_1943.jpg/200px-Rockall_wave_March_1943.jpg)
Rocabarraigh (Rockall e saozneg) a zo ur garreg er Meurvor Atlantel, er gwalarn da Iwerzhon, etre ar vro-se, Enez ar Skorn ha Bro-Skos, ha brudet gant ar sach-blev zo bet etre Breizh-Veur hag Iwerzhon abalamour dezhi, pe gentoc'h d'ar pinvidigezhioù a soñjed a c'hallfe bezañ e goueled ar mor en-dro dezhi. Arc'het eo ar mor tro-dro gant ar Rouantelezh-Unanet, Iwerzhon, Island ha Danmark (en anv Inizi Faero).
27 metr ledander ha 22 vetr uhelder zo d'ar garreg. Ne c'hall den bevañ eno evel-just.
Kontet e vez a-wechoù e-touez an Inizi Gall, met gwall bell emañ an hini dostañ, Hiort (anvet "Saint Kilda" e saozneg). Meret eo ar garreg gant ar Rouantelezh-Unanet ha stag eo ouzh an Inizi Gall Diavaez evit a sell ar velestradurezh.