Treuzfurmadur Jezuz
![](http://178.128.105.246/content-http-upload.wikimedia.org/wikipedia/commons/thumb/8/8c/Preobrazhenie.jpg/220px-Preobrazhenie.jpg)
Jezuz treuzfurmet, etre ar profet Eliaz (a-gleiz) hag ar profet Moizez (a-zehou). En traoñ, an ebestel Pêr, Jakez ha Yann
Treuzfurmadur Jezuz pe treuzneuziadur[1] zo un darvoud kontet en Aviel, war ur menez uhel, ma welas an ebestel Pêr, Jakez ha Yann, Jezuz en e c'hloar hag Eliaz ha Moizez o komz gant Jezuz.
Gouel an Tabor pe gouel Jezuz treuzfurmet eo anv ar gouel ma reer eñvor eus an darvoud-se. Lidet e vez d’ar 6 a viz Eost, en deiziadur ar bloavezh kristen hag el levr-oferenn.
Testenn an aviel
[kemmañ | kemmañ ar vammenn]Treuzfurmadur Jezuz zo kontet gant Mazhev 17,1-9, Mark 9,1-10, Lukaz 9,28-36, ha gant Pêr en e eil lizher[2].
Lec'h treuzneuziadur
[kemmañ | kemmañ ar vammenn]An hengoun kristen a ra eus Menez Tabor, e Bro-C'halilea, lec'h treuzfurmadur Jezuz. An aviel ne ro ket anv ar menez lec'h ma voe treuzfurmet Jezuz, met er 4e kantvet sant Siril a Jeruzalem, sant Jerom hag Orijen a roio un testeni sklaer war ar poent-se[3].
Un nebeud biblourien a laka an darvoud-mañ e Menez Hermon, abalamour ma c'hoarvez an darvoudoù kontet a-raok ha war-lec'h, en Aviel, er c'horn-bro-se.
Oberennoù
[kemmañ | kemmañ ar vammenn]Livadur e-pad an Azginivelezh
[kemmañ | kemmañ ar vammenn]- Giovanni Bellini : Trasfigurazione di Cristo (1480-1485), mirdi Capodimonte, Napoli
- Lorenzo Lotto : La Trasfigurazione (1510-1512), Pinacoteca Comunale, Recanati
- Le Titien : La trasfigurazione (1560), chiesa di San Salvador, Venezia
- Gérard David : La Trasfigurazione di Cristo (1520), O. L. Vrouwekerk, Brugge
- Raphaël : La Trasfigurazione (1520), Mirdioù ar Vatikan
Gwerennoù-livet
[kemmañ | kemmañ ar vammenn]- Iliz Plogoneg, Ar dreuzfurmadur, gwerenn-livet, 16vet kantvet, e tu dehou keur an iliz
- Iliz Brasparzh, Treuzfurmadur, er werenn-livet e tu su d’ar c'heur
- Iliz Gwineventer, Treuzfurmadur, a-us d’an aoter ar Werc’hez Vari, 1931
Pennad kar
[kemmañ | kemmañ ar vammenn]Notennoù
[kemmañ | kemmañ ar vammenn]- ↑ Pe « uhelzoareadenn » evit Tugdual Kalvez, Geriadur ar brederouriezh ; galleg-brezhoneg ; brezhoneg-galleg ; Dictionnaire de philosophie ; français-breton ; breton-français ; étymologie et équivalents des termes philosophiques en allemand, anglais, français et italien, Roazhon, Travaux d'Investigation et de Recherche, 2000.
- ↑ Eil lizher sant Pêr 1,16-19.
- ↑ Job an Irien, Douar Santel. Terre Sainte, Ti embann Minihi Levenez, nn 51-52, 1998, p. 58.