Verner von Heidenstam
![](http://178.128.105.246/content-http-upload.wikimedia.org/wikipedia/commons/7/78/Verner_von_Heidenstam_by_oscar_bjoerck.jpg)
Carl Gustaf Verner von Heidenstam a zo ur skrivagner svedek en deus tapet Priz Nobel al lennegezh e 1916. Ganet eo bet d’ar 6 a viz Gouere 1859 e Olshammar (Sveden) en ur familh a orin eus Alamagn ha marvet eo d’an 20 a viz Mae 1940 e Stockholm. Ezel e voe eus Akademiezh Sveden adalek 1912.
Mab d’un ofiser nobl e oa. Studiañ a reas al livouriezh e Roma hag e Pariz gant Jean-Léon Gérôme, met evit abegoù yec’hed e rankas paouez gant e studioù ha mont da veajiñ evit pareañ e Su Europa hag er Reter-Nesañ betek ar bloaz 1887. Derc’hel a reas da veajiñ koulskoude ha skrivañ war un dro. Labourat a reas evit ar gazetenn Svenska Dagbladet.
War-dro 1895 ez eas da Rusia ha da Durkia ha goude-se e talc'has da reiñ meuleudioù da harozed Sveden ha skrivañ a reas romantoù istorel evel Karolinerna. Anavezet eo dreist-holl evit e varzhonegoù.
E skridoù
[kemmañ | kemmañ ar vammenn]- Vallfart och vandringsår (Bloavezhioù kantren ha beajiñ, 1888)
- Hans Alienus (1892)
- Dikter (Barzhonegoù, 1895)
- Karolinerna (Tud Karl XII, 1897-1898)
- Heliga Birgittas pilgrimsfärd (Pirc'hirinded Santez Berc'hed, romant istorel, 1901)
- Ett folk (Ar bobl, 1902)
- Folkungaträdet (ur romant istorel diwar-benn ar Vikinged, 1905-1907)
- Nya dikter (Barzhonegoù nevez, 1915)
- Sista dikter (Barzhonegoù diwezhañ, 1942)