Merula turchina
| |||||
---|---|---|---|---|---|
Monticola solitarius | |||||
Classificazione scentifica | |||||
Regnu | Animalia | ||||
Divisione | Chordata | ||||
Classa | Aves | ||||
Ordine | Passeriformes | ||||
Famiglia | Muscicapidae | ||||
Generu | Monticola | ||||
Nome binuminale | |||||
Monticola solitarius Linnaeus, 1758 | |||||
![]() |
A merula turchina (o u merulu turchinu) (Monticola solitarius) hè un acellu chì face parte di a famiglia di i Muscicapidae.
A merula turchina hè l'acellu naziunale di Malta.
Descrizzione
[mudificà | edità a fonte]Apparenza
[mudificà | edità a fonte]A merula turchina misura da 21 à 23 cm, è pesa da 37 à 54 grammi. U masciu hà unu piumaghju turchinu-grisgicciu, fora di l'ale è a coda chì sò più scure. A femina è u piugone sò marrone, frisgiati più chjaru sottu à u corpu. U bizzicu di a merula turchina hè longu è fine.
Cantu
[mudificà | edità a fonte]U cantu di u masciu hè chjaru è meludiosu. S'assumiglia, ma più forte, à quellu di a merula cumuna.
Modu di vita
[mudificà | edità a fonte]Rigimu alimentare
[mudificà | edità a fonte]Onnivoru, si ciba per u più d'insetti è d'altri invertebrti, è ancu di baghe è di frutti.
Riproduzione
[mudificà | edità a fonte]![](http://178.128.105.246/content-http-upload.wikimedia.org/wikipedia/commons/thumb/0/00/Monticola_solitarius_solitarius_MHNT.ZOO.2010.11.190.1.jpg/220px-Monticola_solitarius_solitarius_MHNT.ZOO.2010.11.190.1.jpg)
U nidu si trova in un ciottulu rucciosu. A femina face 4 o 5 ovi, ch'ella cova mentre circa duie simane. Ci hè qualchì volta duie cuvate per istate.
Ambiente
[mudificà | edità a fonte]A merula turchina stà in e muntagne, e culline è u cantu di u mare, in e cavità rucciose, in e custruzzione abbandunate è altre ruvine.
In Corsica
[mudificà | edità a fonte]A merula turchina hè prisente in Corsica, è più abundante in u Capicorsu. Hè abbastanza cumuna da u litturali insin'à l'altitudine di 1800 metri. Ùn si trova micca in i lochi cultivati nemmenu in i machjoni è in e fureste, ma frequenta piuttostu i lochi pitricosi.
Tassonumia
[mudificà | edità a fonte]A merula turchina hè ripprisintata da cinque sottuspezie :
- Monticola solitarius philmppensis ;
- Monticola solitarius pandoo ;
- Monticola solitarius madoci ;
- Monticola solitarius longirostris ;
Citazione
[mudificà | edità a fonte]A merula turchina hè u titulu d'una puesia di Santu Casta:[1]
- Tù chì batti isse ghjarghje,
- O merula turchina tippaghjola
- È certe volte ancu a machja,
- Cusì sgalabbata chì tù sè
- Viaghjendu in li chjosi
- O in li stradoni ! (...)
Note
[mudificà | edità a fonte]- ↑ Casta (2010), p. 29.
Bibliugrafia
[mudificà | edità a fonte]- Arnestu Papi, A caccia in Corsica, 1987, Adecec
- Santu Casta, Acillaria, CRDP, 2010 Archiviu 2010-07-09 at the Wayback Machine
Ligami
[mudificà | edità a fonte]- A merula turchina, Parcu Rigiunali Naturali di Corsica Archiviu 2006-03-23 at the Wayback Machine