Austell
Austell | |
---|---|
Ganwyd | 5 g ![]() Teyrnas Brycheiniog ![]() |
Bu farw | 6 g ![]() |
Dinasyddiaeth | ![]() |
Galwedigaeth | mynach ![]() |
Dydd gŵyl | 28 Mehefin ![]() |
- Gofal:Am y santes Gymreig, a merch y Brenin Brychan, gweler Hawystl.
Meudwy a sant o'r 6g a fu'n byw yng Nghernyw, Cymru a Llydaw oedd Austell (neu Austel). Enwyd y dref St Austell yng Nghernyw ar ei ôl. Mae ei ddydd Gŵyl ar 28 Mehefin, wythnos ar ôl ei gyfaill Mefen.
Ymddengys yr enw'n gyntaf mewn rhestr o seintiau Cernyw yn y Codex Reginensis Latinus 191 o'r 10g, yn y Fatican, gyda'r sillafiad "Austoll".[1] Roedd y sillafiad wedi newid i "Austolus" erbyn 1150.
Cysylltir Austell gyda sant o'r enw Mewn (neu "Muen"), yng Nghernyw ac yn Llydaw e.e. yn enw'r pentrefi Sant-Fieg-ar-Mewan a Sant-Meven. Yng Nghernyw a Llydaw, rhoddodd Austell a Mefen eu henwau ar blwyfi sy'n ffinio â'i gilydd ac roedd gan Austell gwlt cryf yn Abaty Saint-Méen ac a elwir yn Llydaweg yn 'Sant-Neven').
Mae'n bosibl iddo roi ei enw y pentref Llanawstl ym Machen, Gwent, ond mae hefyd yn bosibl mai cyfeiriad at Hawystl sydd yma.
![](http://178.128.105.246/content-http-upload.wikimedia.org/wikipedia/commons/thumb/e/e9/Saint-M%C3%A9en_-_Calvaire_du_Prat_Guen.jpg/220px-Saint-M%C3%A9en_-_Calvaire_du_Prat_Guen.jpg)
Cyfeiriadau
[golygu | golygu cod]- ↑ R.L. Olson ac O.J. Padel yn CMCS 12 (1986), tud. 59.