La Niña
Gwedd
Math | math o ffenomen meteorolegol, El Niño Southern Oscillation ![]() |
---|---|
Daearyddiaeth | |
![](http://178.128.105.246/content-http-upload.wikimedia.org/wikipedia/commons/thumb/b/b8/ENSO_-_normal.svg/220px-ENSO_-_normal.svg.png)
![](http://178.128.105.246/content-http-upload.wikimedia.org/wikipedia/commons/thumb/a/ab/ENSO_-_La_Ni%C3%B1a.svg/220px-ENSO_-_La_Ni%C3%B1a.svg.png)
Newidiadau sy'n achosi oeri yn nyfroedd rhan ddwyreiniol y Cefnfor Tawel o gwmpas glannau gorllewinol De America yw La Niña (Sbaeneg: "y ferch fechan").
Mae'r ffenomenon yn rhan o'r hyn a elwir yn ENSO' (El Niño-Southern Oscillation); heblaw La Niña ceir cynhesu yn y dyfroedd hyn a elwir yn El Niño (Sbaeneg, yn golygu "y bachgen bychan"). Daw'r enw El Niño o'r bachgen Iesu, gan fod yr effeithiau yn ymddangos o gwmpas y Nadolig fel rheol, a rhoddwyd yr enw La Niña ar y newidiadau gwrthwyneb.
Gall La Niña gael effaith sylweddol ar y tywydd ar draws rhannau helaeth o'r byd. Gall hefyd gael effaith fawr ar bysgodfeydd a phoblogaeth adar môr o gwmpas arfordir De America.