Soser hedegog
- Am y losinen, gweler soser hedegog (losinen).
![](http://178.128.105.246/content-http-upload.wikimedia.org/wikipedia/commons/thumb/6/66/Supposed_UFO%2C_Passaic%2C_New_Jersey.jpg/220px-Supposed_UFO%2C_Passaic%2C_New_Jersey.jpg)
Math o wrthrych hedegog anhysbys (UFO) yw soser hedegog sydd â siâp disg (megis soser) a gan amlaf yn fetelaidd ei golwg, ac weithiau gyda goleuadau arni neu yn pelydru ohoni. Mae rhai yn credu taw llongau gofod yn perthyn i fodau arallfydol yw soseri hedegog. Mae eraill yn credu bod esboniadau eraill y tu ôl iddynt, neu bod nifer ohonynt yn gastau.
Ceir cofnodion o wrthrychau hedegog â siâp disg ers yr Oesoedd Canol, ond bathwyd y term Saesneg flying saucer yn sgîl disgrifiad yr Americanwr Kenneth Arnold o wrthrychau hedegog anhysbys a welodd ar 24 Mehefin 1947. Ers profiad Arnold bu nifer fawr o bobl yn honni weld soseri hedegog ar draws y byd. Mae rhai yn defnyddio soser hedegog fel term cyffredinol am unrhyw UFO, ond ceir mathau eraill megis y triongl du.
Disgrifiodd un tyst "llestr mawr" yn yr awyr yn ystod Goleuadau Egryn (1904–5), dros ddeugain mlynedd cyn i'r term Saesneg flying saucer gael ei fathu.[1]
Cyfeiriadau
[golygu | golygu cod]- ↑ Mihangel Morgan. Adolygiad o Yr Ymwelwyr gan Richard Foxhall. gwales.com. Adalwyd ar 20 Rhagfyr 2011.