Mozilla Thunderbird 3.1.2
Vendredo, la 6-a de aŭgusto 2010
Ekde hieraŭ (UTC) elŝuteblas nova versio de Mozila Tondrobirdo: 3.1.2. Korektitaj estas kelkaj stabilecaj kaj uzeblecaj problemoj. Jen la listo de koncernaj raportoj:
- Raporto n-ro 575836. Akcidenta plenumĉeso rilata al kromprogramoj (pro kiu antaŭe estis tre baldaŭ eldonita Firefox 3.6.8.
- 576365. En la Linuksaj kunmetaĵoj ne ĉiam aŭdiĝis sonaĵoj en la datumaranĝo "WAV".
- 578918. Ĉe iuj cirkonstancoj ne funkciis indeksado (kaj sekve ankaŭ serĉado).
- 580270. En certaj cirkonstancoj malmemoriĝis prefero de ensaluto per "normala pasvorto".
- 580764. Perdiĝis elekto de SSLeca pordnumero por neSSLa ensalutado.
- 581330. Defaŭltaj "inteligentaj mesaĝujoj" (angle: "smart folders") malplenis post ĝisdatigo de Thunderbird de 3.0.6 al 3.1 (raportita je Mac OS X).
- 581707 Ne funkciis atentigo pri novaj mesaĝoj en iuj IMAPaj mesaĝujoj (raportita Vindoze).
Jamaj uzantoj de Thunderbird ricevos en unu aŭ du tagoj atentigon pri la nova eldoneto. Aliaj povas elŝuti ĝin el http://www.mozillamessaging.com/thunderbird/all.html (pli mallongaj adresoj: http://www.getthunderbird.com/, http://www.mozilla.com/thunderbird/).
Fontoj
(angle) Mike Banner «Thunderbird 3.1.2 now available for download» – Mozilla Foundation, 2010-08-05 (arkivita [ ]) (angle) «Mozilla Thunderbird 3.1.2 Release Notes» – Mozilla Messaging, 2010-08-05 (arkivita [ ])
Vidu ankaŭ
Vi povas disvastigi ĉi-tiun artikolon per Interkonaj retejoj |
|
|
![]() |
Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |