Abdollah Momeni
Abdollah Momeni عبدالله مؤمنی | |
---|---|
Persona informo | |
Naskiĝo | 31-an de majo 1976 (48-jaraĝa) en Kuhdaŝt (kurde Kwêyeşt, کوێیەشت) |
Ŝtataneco | Irano ![]() |
Okupo | |
Okupo | aktivulo ![]() |
Abdollah Momeni (perse عبدالله مؤمنی) estas studenta gvidanto kaj politika aktivulo en Irano. En 2009 la ĉeĥia homrajta organizaĵo Člověk v tísni ("homo en bezono") honorigis lin kaj la kunaganton Maĝid Tavakoli per la premio Homo Homini, aljuĝata al homoj, kiuj defendas demokration kaj homajn rajtojn en ekzempla maniero.
Li iĝis engaĝita en la movado en la iranaj studentaj protestoj de julio 1999, kiam grandaj nombroj da studentoj tra la lando protestis kontraŭ la forigo de por-reforma gazeto Salam ("paco"). Abdollah Momeni laboris kiel delonga reprezentanto de la Asocio de Finstudentoj en Irano (Advar-e Tahkim Vahdat), kiu temigas devigon de demokratio kaj protekto de homaj rajtoj.
Aresto en aŭgusto 2009
[redakti | redakti fonton]Li estis arestita dum protestoj post la elekto en junio 2009 kaj poste juĝita al ok jaroj en malliberejo pro sia ĉeesto ĉe postbalotaj renkontiĝoj kaj agadoj kontraŭ nacia sekureco. Laŭ atestantoj, Momeni estis submetita al misuza traktado en malliberejo.[1]
Amnestio Internacia nomis lin malliberulo de konscienco kaj postulis lian liberigon. Post kvin jaroj da malliberigo li estis liberigita la 13-an de marto 2014.[2]
Referencoj
[redakti | redakti fonton]- ↑ Amnestio Internacia: "Kaptito en risko de torturo kaj mistraktado: Abdollah Momeni" la 14-an de septembro 2009 (angle)
- ↑ artikolo پس از پنج سال حبس ظالمانه؛ عبدالله مومنی آزاد شد ("Post kvin jaroj da kruela malliberigo, Abdollah Momeni estis liberigita") de la 13-a de marto 2014 en la retejo kaleme.com Arkivigite je 2022-10-12 per la retarkivo Wayback Machine (perse)