Berken
Berken | |
---|---|
![]() | |
Blazono de Berken | |
Graben, Berken kaj la du Walliswil Berken videblas dekstre de Aro iomete sub la insulo | |
komunumo en Svislando | |
Kantono | Berno |
Administra distrikto | Supra Argovio |
Malnova distrikto ĝis 2009 | Wangen |
Geografia situo | CH1903: 620594 / 230704 (mapo)47.2269444444447.7105555555556Koordinatoj: 47° 14′ N, 7° 43′ O; CH1903: 620594 / 230704 (mapo) |
Nombro de loĝantoj | 49 |
Areo | 1,39 km² |
Alteco | 420 m super marnivelo |
Poŝtkodo | 3376 |
Komunumkodo | 0972 |
![]() | |
Mapo de Berken | |
Berken estis ĝis la 31-a de decembro 2009 komunumo de la distrikto Wangen kaj ekde la 1-a de januaro 2010 komunumo de la administra distrikto Supra Argovio en Kantono Berno, Svislando. Ĝi havis 49 loĝantojn je la 31-a de decembro 2009.
Geografio
[redakti | redakti fonton]Berken situas en la Svisa Mezlando ĉe la suda bordo de la rivero Aro. Kun nur 49 loĝantoj Berken estas la plej malgranda komunumo de la administra distrikto Supra Argovio. La komunumo Berken konsistas el la tri setlejoj Oberberken, Unterberken kaj Christehof. De sudo al nordo trafluas la vilaĝon la rivereto Seebach, kiu fontas en Inkwil kaj en Berken alfluas al Aro. En la sudo de Berken apud Weieracher Seebach fluas tra du malgrandaj lagetoj.
La teritorio de la komunumo etendiĝas sur areo de 1,39 km², de kiuj 30 % estas kovritaj de arbaro, 52,9% servas por agrikulturo kaj 11,4% por setlado. [1]
Najbaraj komunumoj
[redakti | redakti fonton]La komunumo Berken limas en nordo aliflanke de la rivero Aro al Walliswil ĉe Niederbipp, en oriento ankaŭ aliflanke de la rivero al Bannwil, en sudoriento al Graben, en sudokcidento al Heimenhausen, en nordokcidento al Walliswil ĉe Wangen.
Trafiko
[redakti | redakti fonton]Tra Berken pasas la kantona vojo 1449 de Herzogenbuchsee al Schwarzhäusern, kiu pasas en Berken la riveron Aro per ponto. La plej proksima alveturejo al la svisa aŭtovojo A1 troviĝas en distanco de 5 kilometroj norde en Niederbipp. La komunumo ne disponas pri konekto al la publika transportreto. La plej proksima bushaltejo troviĝas en Heimenhausen en distanco de proksimume 2 kilometroj sude.
Historio
[redakti | redakti fonton]La unua dokumenta mencio de Berken datiĝas el la jaro 1272 kiel Berinkon. Sur la teritorio de Berken estis trovitaj unuopaj objektoj el la neolitiko. Ekde la mezepoko Berken apartenis al la Senjorujo Aarwangen kies sorton ĝi dividis ĝis la Helveta Revolucio en la jaro 1798. En la jaro 1798 ĝi estis atribuita al la distrikto Wangen, ĉe kiu ĝi restis ĝis ties integriĝo al la nova administra distrikto Supra Argovio en la jaro 2010. [2] Kiel oni povas legi en la retejo de la komunumo, la vilaĝanoj malgraŭ la malgrandeco fieras pri sia aŭtonomio. La administran laboron Berken dividas kun la komunumo Inkwil.[3]
Vidindaĵoj
[redakti | redakti fonton]La trankvila kaj pitoreska komunumo estas alloga por dimanĉaj promenadoj laŭlonge de Aro kaj en la apudaj arbaroj kaj kampoj. Kaj kiu migradas en Berken ne devas maltrafi halti en la restoracio Leono (germane Löwen, alemane Löien), kies kuirejo estas vaste konata ankaŭ fore de la regiono. La tradicia berna domo en la jaro 1937 komplete forbruliĝis kaj poste estis rekonstruita en ĝia hodiaŭa formo.[4]
Notoj kaj referencoj
[redakti | redakti fonton]- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Anne-Marie Dubler: Berken en Historia Leksikono de Svislando (2004-06-11)
- ↑ Fonto: Paĝo pri la komunuma administrado en la oficiala retejo Arkivigite je 2012-02-06 per la retarkivo Wayback Machine
- ↑ Fonto: Informoj pri la Leono de Berken en la retejo de la komunumo Arkivigite je 2012-02-05 per la retarkivo Wayback Machine
Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Berken – (Kolekto de bildoj kaj plurmediaj dosieroj)
|