Cabolafuente
Cabolafuente | |||
---|---|---|---|
| |||
municipality of Aragon (en) ![]() ![]() | |||
Flago | Blazono | ||
Administrado | |||
Poŝtkodo | 50228 | ||
Demografio | |||
Loĝantaro | 46 (2023) [+] | ||
Loĝdenso | 1 loĝ./km² | ||
Geografio | |||
Geografia situo | 41° 13′ N, 2° 2′ U (mapo)41.2113193-2.0399352Koordinatoj: 41° 13′ N, 2° 2′ U (mapo) [+] | ||
Alto | 977 m [+] | ||
Areo | 39,243864 km² ( 392 4.3 864 ha) [+] | ||
Horzono | UTC+01:00 [+] | ||
| |||
| |||
Alia projekto | |||
![]() | |||
Cabolafuente [kabolaFŬENte] estas municipo de Hispanio, en la sudokcidento de la komarko Comunidad de Calatayud kies ĉefurbo estas Calatayud mem, en la sudokcidento de la Provinco Zaragozo (regiono Aragono). La loknomo Cabolafuente estas etimologie komprenebla kiel Apud la fonto kaj tiukadre aperas fontano en la municipa blazono.
Geografio
[redakti | redakti fonton]Cabolafuente estas municipa teritorio en la sudokcidento de la komarko Comunidad de Calatayud, kie ĝi estas sude de Ariza. La pejzaĝo estas rokeca kaj tre seka.
La loĝloko Cabolafuente mem estas je 135 km sudokcidente de Zaragozo, provinca kaj regiona ĉefurbo, je 977 msm en la Iberia Sistemo, ĉe la limo kun la provinco Gvadalaĥaro. Ĝi estas inter Ariza norde kaj Sisamón sude.
Historio
[redakti | redakti fonton]La areo estis konkerita el islamanoj en la 12-a jarcento fare de Alfonso la 1-a, kiu lasis la areon al la templanoj.
Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj same en Cabolafuente kie oni malaltiĝis ĝis nunaj 49 loĝantoj en 2021. Evidente elmigrado ĝenerale foriris al industriaj aŭ pli viglaj areoj kiel Zaragozo, Daroko, Calatayud kaj Karinjeno.
Aktualo
[redakti | redakti fonton]Bazo de ekonomio nun estas agrikulturo (cerealoj, olivarboj kaj vitejoj), kaj brutobredado (kortobirdoj, ŝafoj kaj porkoj) kaj sekva nutrindustrio (vinproduktado). Nune gravas ankaŭ natura, kultura kaj rura turismo.
Inter nunaj vidindaĵoj menciindas la preĝejo, kaj naturaj lokoj ĉefe en la montaroj kaj ĉe la riveroj.