Lacoste
- Vidu ankaŭ: Lacoste (Hérault).
Lacoste | ||
---|---|---|
![]() | ||
![]() | ||
subtegmenta vendejo • butikĉeno • organizaĵo vd | ||
Dum | 1933 - nekonata/nuntempe | |
Jura formo | société par actions simplifiée | |
Fondintoj | René Lacoste • André Gillier vd | |
Sidejo | Parizo | |
Lando | Francio | |
Agokampo | vesto • piedvesto • portebla horloĝo • parfumo • eyewear | |
Posedata de | Maus Frères vd | |
TTT | Oficiala retejo | |
LACOSTE S.A. estas tutmonde konata franca entrepreno produktanta modajn, sportajn kaj libertempajn vestaĵojn. Ĝi apartenas al la entreprena grupo Devanlay SA kun firma sidejo en Parizo. Emblema simbolo estas krokodilo. Krom vestaĵojn, Lacoste produktas kaj distribuas ankaŭ ŝuojn, parfumojn, ledaĵojn, sunokulvitrojn, horloĝojn, ombrelojn kaj aliajn multekostajn modaĵojn. En 110 ŝtatoj ekzistas entute 870 Lacoste-butikoj, la plej granda el ili en la pariza Avenuo de la Elizeaj Kampoj, kaj pliaj 2000 licence ligitaj vendejoj, en kiuj haveblas la produktaĵoj (stato de januaro 2006). En 2005 vendiĝis entute 48 milionoj da Lakoste-produktaĵoj.
![](http://178.128.105.246/content-http-upload.wikimedia.org/wikipedia/commons/thumb/2/23/Tennis-shirt-lacoste.jpg/220px-Tennis-shirt-lacoste.jpg)
La firmao fondiĝis de la sukcesa franca tenisisto René Lacoste. La probable plej konatiĝinta vestaĵo de la firmao estas la poloa ĉemizo konata sub la artikolokodo "1212" kaj de René Lacoste en 1933 kiel tenisa ĉemizo. Ĝis tiu tempo, teniso estis ludata en normalaj blankaj kotonaj ĉemizoj. La poloaj ĉemizoj pri la speciale evoluigita ĵerseja teksaĵo havis la avantaĝon esti pli elastaj ol la nesportaj ĉemizoj, esti pli "aeraj" kaj pli bone forkonduki la ŝviton de la haŭto. La unua poloa ĉemizo de la firmao Lacoste laŭ la tradicio de teniso kompreneble blankis.
Lacoste estis la unua firmao pri vestaĵoj, kiu montris la firmaan emblemon bone videble antaŭe sur siaj produktaĵoj.[1]
Inter la jaroj 1963 kaj 2005 la entreprenon gvidis la filo Bernard Lacoste. Tiam li pro malsaniĝon devis cedi sian postenon, kaj ekde septembro 2005 Michel Lacoste, frato de Bernard, gvidas la entreprenon.
Eksteraj ligiloj
[redakti | redakti fonton]- internacia entreprena retejo (angle, ĉeĥe, france, germane, hinde, hispane, japane, kroate, koree, portugale, ukraine, taje kaj turke) Arkivigite je 2005-08-30 per la retarkivo Wayback Machine
Notoj
[redakti | redakti fonton]- ↑ Claudia Leu: Index Logo, MITP, ISBN 3-8266-1507-7, paĝo 116