Lepospondyli
![](http://178.128.105.246/content-http-upload.wikimedia.org/wikipedia/commons/thumb/8/80/Oestocephalus.jpg/220px-Oestocephalus.jpg)
Lepospondyli aŭ Lepospondiloj estas diversa taksono de paleozoikaj tetrapodoj (kvar-membraj vertebruloj). Ĝi, kun ties supozata frata klado Lissamphibia, kaj Amphibia mem, estas la unuarangaj taksonoj kiuj formas la vertebrulan grupon de Batrachomorpha. Kun la escepto de unu malfrue survivanta lepospondilo el Malfrua Permio de Maroko (nome Diplocaulus minumus),[1] lepospondiloj vivis el Frua Karbonio (Misisipio) al Frua Permio kaj estis geografie limigitaj al tio kio estas nune Eŭropo kaj Nordameriko.[2] Kvin ĉefaj grupoj de lepospondiloj estas nune konataj: nome Adelospondyli; Aistopoda; Lysorophia; Microsauria; kaj Nectridea. Lepospondiloj havas diversan gamon de korpoformoj kaj inkludas speciojn kun formoj tritur-, angil-, serpent-, aŭ lacert-ecaj. Variaj specioj estis akvoloĝantaj, duon-akvoloĝantaj, aŭ surteremaj. Neniu estis granda (la plej granda genro, nome la diplovosta Diplocaulus, atingis unumetran longon, sed plej estis multe pli malgrandaj), kaj oni supozas ke ili vivis en specializitaj ekologiaj niĉoj ne uzataj de pli nombraj temnospondilaj amfibioj kiuj kunekzistis kun ili en Paleozoiko. Lepospondiloj estis nomigitaj en 1888 fare de Karl Alfred von Zittel, kiu stampis la nomon por inkludi kelkajn tetrapodojn el Paleozoiko, kiuj kunhavis kelkajn specifajn karakterojn en notokordo kaj dentoj.
Referencoj
[redakti | redakti fonton]- ↑ Germain, D (2010). “The Moroccan diplocaulid: the last lepospondyl, the single one on Gondwana”, Historical Biology 122 (1-3), p. 4–39. doi:10.1080/08912961003779678.
- ↑ Carroll, R. L. (1988) Vertebrate Paleontology and Evolution, WH Freeman & Co.
- Benton, M. J. (2000), Vertebrate Paleontology, 2a eld. Blackwell Science Ltd
- Benton, M. J. (2004), Vertebrate Paleontology, 3a eld. Blackwell Science Ltd Taxonomic hierarchy Arkivigite je 2008-10-19 per la retarkivo Wayback Machine
- Colbert, E H. (1969), Evolution of the Vertebrates, John Wiley & Sons Inc (2a eld.)
- Laurin, Michel (1996) Terrestrial Vertebrates - Stegocephalians: Tetrapods and other digit-bearing vertebrates Arkivigite je 2008-02-10 per la retarkivo Wayback Machine
- Romer, A.S., (1966) Vertebrate Paleontology University of Chicago Press, 1933; 3rd ed. 1966.
Eksteraj ligiloj
[redakti | redakti fonton]- Biology 356 - Major Features of Vertebrate Evolution: Lepospondyls and Lissamphibians de Dro. Robert Reisz
- Lepospondyli - Palaeos Arkivigite je 2005-04-09 per la retarkivo Wayback Machine
- Lepospondyli Arkivigite je 2005-04-20 per la retarkivo Wayback Machine
- Lepospondyli - phylogeny Arkivigite je 2007-12-31 per la retarkivo Wayback Machine