Marleono
![]() | ||||||||||||||
---|---|---|---|---|---|---|---|---|---|---|---|---|---|---|
Marleono en Monterey (Kalifornio)
| ||||||||||||||
Biologia klasado | ||||||||||||||
| ||||||||||||||
![]() | ||||||||||||||
Genroj
| ||||||||||||||
Aliaj Vikimediaj projektoj
| ||||||||||||||
Marleono estas mara mamulo el iuj genroj de la otariedoj, tradicie kunklasifikataj kiel la subfamilio otarienoj.
La marleonojn karakterizas la ekzisto de eksterna orelo, longaj antaŭaj naĝpiedoj, kaj kapableco pri piediro sur la 4 naĝpiedoj sur la tero. Marleonoj vivas ĉe marbordoj de la subpolusa ĝis la tropika regiono de ambaŭ hemisferoj. Ili havas nevaloran felon, dum la felo de la aliaj otariedoj (felfokoj) iam estis valora por la peltindustrio.
Sistematiko
[redakti | redakti fonton]Tradicie oni dividis la otariedojn en du subfamiliojn, la otarienojn (marleonojn) kaj arktocefalenojn (felfokojn aŭ marursojn). Genetika studo publikigita en 2001 proponis ke la nun vivantaj membroj de la marursa genro Arctocephalus havas pli proksiman parencecon kun la marleonoj ol kun la alia genro de marursoj, Callorhinus.[1] Tial multaj taksonomoj jam ne distingas subfamiliojn de otariedoj. La ĉi-suba klasifiko faras la tradician distingon.
- Klado Fokuloj
- Familio Otariedoj
- Subfamilio Arktocefalenoj
- Genro Arctocephalus (sudaj marursoj; ok specioj)
- Norda marurso, Callorhinus ursinus
- Subfamilio Otarienoj (marleonoj):
- Marleono de Steller, Eumetopias jubatus
- Genro Zalophus
- Kalifornia marleono, Z. californianus
- Japana marleono, Z. japonicus (formortinta en la 1950-aj jaroj)
- Galapaga marleono, Z. wollebaeki
- Sudamerika marleono, Otaria flavescens
- Aŭstralia marleono, Neophoca cinerea
- Novzelanda marleono, Phocarctos hookeri
- Subfamilio Arktocefalenoj
- Familio Fokedoj: veraj fokoj
- Familio Odobenedoj: rosmaroj
- Familio Otariedoj
Referencoj
[redakti | redakti fonton]- ↑ (1-an novembro 2001) “Phylogenetic Relationships within the Eared Seals (Otariidae: Carnivora): Implications for the Historical Biogeography of the Family”, Molecular Phylogenetics and Evolution 21 (2), p. 270–284. doi:10.1006/mpev.2001.1012.