Harrods
Harrods | |
---|---|
Harrods | |
Ondasun Ingelesa | |
![]() | |
![]() | |
Kokapena | |
Estatu burujabe | ![]() |
Herrialdea | ![]() |
Ingalaterrako eskualdea | Londresko eskualdea |
Ingalaterrako konderri zeremoniala | Londres Handia |
Londresen banaketa administratiboa | Kensington eta Chelsea |
Koordenatuak | 51°29′59″N 0°09′49″W / 51.4996°N 0.1635°W |
![]() | |
Historia eta erabilera | |
Atentatua | 1983ko abenduaren 17a |
Jabea | Qatar Investment Authority |
Ondarea | |
Ondare Ingelesa | 1294346 |
Webgune ofiziala | |
![](http://178.128.105.246/content-http-upload.wikimedia.org/wikipedia/commons/thumb/f/fd/Harrods%2C_London_-_June_2009.jpg/250px-Harrods%2C_London_-_June_2009.jpg)
![](http://178.128.105.246/content-http-upload.wikimedia.org/wikipedia/commons/thumb/c/c5/Harrods_1909.jpg/250px-Harrods_1909.jpg)
Harrods Londresen dagoen luxuzko merkataritza-gune ezaguna da. Knightsbridgeko Brompton Road kalean dago, Kensington eta Chelsea udalerrian. 1834 urtean ireki zituen ateak eta gaur egun Qatarreko estatuarena da. 300.000 erosletik gorako egunak izaten ditu data zehatzetan.
Historia
[aldatu | aldatu iturburu kodea]1824 urtean, 25 urte baino ez zituela Charles Henry Harrod-ek Borough High Street kaleko 228 zenbakian, Southwarken. Ehun denda bat zen eta 1831 arte iraun zuen. 1834ean elikagai denda bat ezarri zuen Londresko East End-en, bereziki tean espezializaturik zegoena.
1851ean Hyde Parken egitekoa zen Nazioarteko Erakusketa kapitalizatu nahian, Londres mendebaldeko Brompton barrutian denda txiki bat erosi zuen, gaur egungo Harrods dagoen tokian. Semeak, Charles Digby Harrod-ek, den da txikia merkatal-gune bihurtu zuen, salgaien aniztasuna nabarmen handituz; botikak, lurrinak, paperak, fruitak, barazkiak... Berehala handitzen hasi zen eta alboko eraikinak eskuratu zituen. 1880an dagoeneko 100 langile zituen.
1883an suak erabat erre zuen Harrods baina berehala egin zuten eraikin berria. 1905ean osatu zen Charles William Stephens arkitektoak diseinaturiko eraikina.
1985 urtean Mohamed Al-Fayed egiptiarra bihurtu zen merkatalgunearen jabe eta 2010 urtean Qatarreko estatuak erosi zuen[1].
Tamaina
[aldatu | aldatu iturburu kodea]Europako merkatalgunerik handiena da. 20.000 m²-ko oinarria dauka eta 90.000 m²-ko azalera hartzen dute eraikinak dituen 330 departamenduek.
Produktuak eta zerbitzuak
[aldatu | aldatu iturburu kodea]Harrodsen denetarik aurki daiteke. Arropak, gailu elektronikoak, bitxiak, kirol osagaiak, maskotak, jostailuak, elikagaiak, osasun eta estetika produktuak, opariak, paper denda, etxetresnak, altzariak...
Saltokiez gain beste zerbitzu batzuk ere baditu. 32 jatetxetan denetarik dasta daiteke, tea, tapak, pubetako janaria edota goi sukaldaritza. Ospakizunak ere antolatzen dira.
Memoriala
[aldatu | aldatu iturburu kodea]Diana Galeskoa eta Dodi Al-Fayed bikotearen heriotzaren ondoren memoriala eraiki zuten Harrodsen, izan ere Dodi jabearen semea baitzen.
Iruditegia
[aldatu | aldatu iturburu kodea]Informazio praktikoa
[aldatu | aldatu iturburu kodea]- Helbidea: 87-135 Brompton Road, Knightsbridge, London, SW1X 7XL
- Ordutegia: 10:00 - 21:00 (Igandetan 11:30 - 18:00)
- Metro geltokia:
Knightsbridge
Erreferentziak
[aldatu | aldatu iturburu kodea]- ↑ (Ingelesez) BBC News - Mohammed Al Fayed sells Harrods store to Qatar Holdings. (Noiz kontsultatua: 2017-03-03).
Kanpo estekak
[aldatu | aldatu iturburu kodea]- (Ingelesez) Webgune ofiziala