Iñigo López de Mendoza
Iñigo López de Mendoza | |||||||
---|---|---|---|---|---|---|---|
![]() | |||||||
| |||||||
Bizitza | |||||||
Jaiotza | Carrión de los Condes, 1398ko abuztuaren 19a (egutegi gregorianoa) | ||||||
Herrialdea | ![]() | ||||||
Heriotza | Guadalajara, 1458ko martxoaren 25a (egutegi gregorianoa) (59 urte) | ||||||
Familia | |||||||
Aita | Diego Hurtado de Mendoza | ||||||
Ama | Leonor de la Vega | ||||||
Ezkontidea(k) | Catarina Suárez de Figueroa (en) ![]() | ||||||
Seme-alabak | |||||||
Anai-arrebak | ikusi
| ||||||
Hezkuntza | |||||||
Hizkuntzak | antzinako gaztelania gaztelania | ||||||
Jarduerak | |||||||
Jarduerak | poeta, politikaria, idazlea eta militarra | ||||||
Izengoitia(k) | Marqués de Santillana | ||||||
Genero artistikoa | olerkigintza | ||||||
Zerbitzu militarra | |||||||
Parte hartutako gatazkak | First Battle of Olmedo (en) ![]() |
Iñigo López de Mendoza (Carrión de los Condes, Palentzia, 1398ko abuztuaren 19a - Guadalajara, 1458ko martxoaren 25a), Santillanako markesa, Gaztelako Erresumako poeta eta humanista nagusietako bat izan zen bere garaian.
Bizitza
[aldatu | aldatu iturburu kodea]Arabar jatorriko familia noble batean sortu zen eta, Mendozatarren oinordeko nagusia zen aldetik, Joan II.a Gaztelakoa erregearen alde borrokatu zen gerra zibiletan, Alvaro de Lunaren aurkaria zen arren, eta musulmanen aurka. Markes titulua eman zioten Olmedoko guduaren ondoren (1445).
Kultura handiko gizona zen; gaztelaniaz gainera, galegoa, katalana, frantsesa eta italiera menderatzen zituen, liburutegi bikaina osatu eta artea sustatu zuen. Gaztelaniara bihurtu zituen Homero, Virgilio eta Senekaren obrak, eta, Petrarkaren ildotik, gaztelaniazko lehen sonetoak idatzi zituen. Herri literatura ongi ezagutzen zuen eta hamar serranilla edo herri kutsuko olerki liriko ondu zituen. Prosarako ere dohain bereziak erakutsi zituen olerki bildumari egin zion atarikoan: Carta Proemio al condestable don Pedro de Portugal.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
![]() |
Wikimedia Commonsen badira fitxategi gehiago, gai hau dutenak: Iñigo López de Mendoza ![]() |