Joey Ramone
Joey Ramone | |
---|---|
Bizitza | |
Jaiotzako izen-deiturak | Jeffrey Ross Hyman |
Jaiotza | Forest Hills, 1951ko maiatzaren 19a |
Herrialdea | ![]() |
Heriotza | New York, 2001eko apirilaren 15a (49 urte) (49 urte) |
Hobiratze lekua | Hillside Cemetery (en) ![]() |
Heriotza modua | berezko heriotza: linfoma |
Familia | |
Aita | Noel Hyman |
Ama | Charlotte Lesher |
Anai-arrebak | ikusi
|
Hezkuntza | |
Heziketa | Forest Hills High School (en) ![]() |
Hizkuntzak | ingelesa |
Jarduerak | |
Jarduerak | abeslaria eta kantugilea |
Kidetza | The Ramones Sniper (en) ![]() |
Izengoitia(k) | Joey Ramone |
Genero artistikoa | rock punk |
Ahots mota | baritonoa |
Musika instrumentua | ahotsa |
Diskoetxea | Sire Records |
Sinesmenak eta ideologia | |
Erlijioa | judaismoa |
joeyramone.com | |
![]() ![]() ![]() ![]() ![]() ![]() ![]() ![]() ![]() ![]() ![]() |
Jeffrey Ross Hyman edo Joey Ramone (New York, AEB, 1951ko maiatzaren 19a - ib., 2001eko apirilaren 15a) estatubatuar musikari bat izan zen, punk rock banda ospetsua izan zen Ramones taldearen sortzaile eta abeslaria.
Amaren zaletasunaren oinordeko, punk rockaren ikono bihurtuko zena, txikitan The Who edo The Stoogesen musika entzuna zen[1]. Hasieran bateria jo zuen bandan eta, Tommy Ramoneren usteari jarraituz, ahotsak egiten hasi zen.
Biografia
[aldatu | aldatu iturburu kodea]Jeffry Hyman 1951ko maiatzaren 19an jaio zen New Yorken (AEB)etan. Gurasoak Charlotte Lesher eta Hyman Noel izan zituen eta New Yorkeko Forest Hillsen (Queens) bizi ziren. Hantxe ikasiko zuen Jeffryk, bere The Ramones bandakoak izango zirenak kideak bezala, Forest Hills High Schoolen.
Mutil garaia zen (1,98 m) eta ilaje beltz luze eta lisoa eraman ohi zuen, aurpegia estaliz[2]. Ezkertiarra zen eta miopia handi bat zuen begietan. Jeffryk 18 urte zituenean, Obsesibo-Konpultsibo Nahastea diagnostikatu zioten eta gauzak behin eta berriro errepikatzen zituen, argiak piztu eta itzali, atea ireki eta itxi. Pegamentua aspiratu eta drogak hartzen zituen eta amaren aurrean ere egin ohi zuen. The Stooges edo New York Dolls bezalako banden miresle sutsua zen eta pertsonaia arloteek erakartzen zuten.
Joey Sniper bandako kide izan zen, baina berehala bota zuten itxura txarra zuela-eta.
The Ramones
[aldatu | aldatu iturburu kodea]![](http://178.128.105.246/content-http-upload.wikimedia.org/wikipedia/commons/thumb/2/2e/Joey_Ramone_by_Kyle_Cassidy.jpg/250px-Joey_Ramone_by_Kyle_Cassidy.jpg)
![](http://178.128.105.246/content-http-upload.wikimedia.org/wikipedia/commons/thumb/9/9f/Joey_Ramone_and_Johnny_Ramone.jpg/350px-Joey_Ramone_and_Johnny_Ramone.jpg)
Jeffry eta laguna zuen Douglas Colvin Jeffryren amaren arte galerian egon ohi ziren pegamentua arnastu eta drogatzen ziren bitartean. Tommy Erdélyi eta John Cummings ere lagunak ziren eta, Tommyren nahiari jarraituz, banda bat sortzea erabaki zuten. Bakoitzak izen bat aukeratuko zuen eta denen abizena Ramone izango zen. Orduz gero, Jeffry Joey Ramone bihurtuko da.
Hasierako abestietako bat izan zen Judy Is A Punk, baina eskaini zuten lehen kontzertua erabateko porrota izan zen.
Denbora pasatu eta gero, lehen diskoa atera zuten: Ramones. Ez zuen arrakasta handirik izan. Gero etorri ziren Leave Home, Rocket to Russia eta Road to Ruin, komertzialki ez oso esanguratsuak, baina, Punk Rockaren barnean, ezinbestekoak kontsidertuak.
Geroago hasi ziren Phil Spectorrekin lanean, The Beatlesekin bostgarren albuma zen End of the Century egin zuen ekoizle handia[3]. Joeyk harreman ona lortu zuen Philekin, baina presio handiegia egiten zuela-eta, Johnny haserretu egin zen. Albuma ez zen espero zen bezala atera eta salmentak porrota izan ziren. Abesti galantak idatzi zituen -Do You Remember Rock n' Roll Radio?, The KKK Took My Baby Away edo She's The One- eta Joeyk bazuen itxaropena hurrengo albumean, baina ez zen sekula lortu.
Joey eta Johnny Ramone gitarra ia 20 urtez egon ziren elkarri hitz egin gabe. Ideologia arrazoiak ziren tartean eta Johnnyk Joeyri andregaia Linda kendu zionean okerrera egin zuen bi musikoen arteko harremanak. Hor idatzi zuen The KKK Took My Baby Away Pleasant Dreams albumerako. KKK (Ku Klux Klan) hizkiek metafora egin nahi zuten Johnny Ramone politikoki kontserbadorea zelako. Joey, bere aldetik, liberal ezkertiarra zen eta ez zituzten sekula bere haserreak konpondu 1996an banda ez deusean geratu zen arte. Joeyk bakarlari jarraituko zuen ondoren.
Joeyrekin ametsetako ba zen The Ramones banda Hall of Fame of rock delakoan jartzea. 2002an lortu zen hori, baina Joeyk ez zuen ikusi, hila baitzegoen jada.
Beste proiektu batzuk
[aldatu | aldatu iturburu kodea]1994an, Sibling Rivalry taldea sortu zuen ber anaiae Mickey Leigh eta bien artean. In a Family Way EP-a atera zuten.
1999an, The Ronettes bandakide ohia zen Ronnie Spectorren She Talk to RainbowsEP-an kantu pare bat abestu zituen eta ekoizten lagundu zuen.
2002an, bakarkako diskoa atera zuen, Don't Worry About Me, Louis Armstrongen What a Wonderful World abestiari bertsio esanguratsu bat eginez, punk-a Sex Pistolsen oinarri batzuekin (Pretty Vacant), The Clash (I'm so bored with the USA), The Who eta The Stoogesen 1969.
Meatball Sandwich abestia idatzi eta grabatu zuen Youth Gone Madekin batera.
The Independents bandaren ekoizle eta managerra ere izan zen[4].
Heriotza
[aldatu | aldatu iturburu kodea]![](http://178.128.105.246/content-http-upload.wikimedia.org/wikipedia/commons/thumb/5/57/Joey_Ramone_Headstone.jpg/300px-Joey_Ramone_Headstone.jpg)
2001eko apirilaren 15ean, linfoma batek hil zuen Joey New York-Presbyterian Hospitalean[5]. Heriotzaren unean, U2ren In A Little While ari zen entzuten. Orduz gero, Bonok abestia amodioaren oinazeaz ari zela esaten du, baina, une hartatik aurrera, esanahi berri bat hartu zuela. Badirudi aspalditik zuela linfoma eta 90eko hamarkadaren erdialdetik tratatzen ari zela.
2001ean, Joey hil eta gero, Johnny depresioan erori zen eta ezin izan zuen bien artean harreman txarra izatearen errua gainditu.
2003ko azaroaren 30ean, Joey Ramone Place izena eman zioten New Yorkeko hiriaren kale bati. The Ramones hasi ziren gune berean dago, CBGB kluba dagoen tokian. Rock klub ez gutxitan bere urtemuga ospatzen da eta ama eta anaia gonbidatu izan ohi dute[6].
2007ko urtarrilaren 28an, bihotzeko batek hilko zuen 80 urte zituenean Charlotte Lesher, Joeyren ama eta bere inspirazio eta laguntza musikoaren karrera osoan.
2012ko otsailean egin zuten iragarri zuten ofizialki Joeyren hil ondorengo bigarren albuma: Ya Know?. Maiatzaren 22an atera zen eta Joan Jett, Steven Van Zandt eta Richie Ramoneren lankidetzak ditu. Ed Stasium eta Jean Beauvoirrek ekoiztu zuten[7].
Irudia eta eragina
[aldatu | aldatu iturburu kodea]![](http://178.128.105.246/content-http-upload.wikimedia.org/wikipedia/commons/thumb/1/15/Joey_Ramone.jpg/300px-Joey_Ramone.jpg)
Joey Ramone eta bere bandak sortu zuten Punk Rock-a. Sex Pistols, The Clash eta beste banda batzuen eragin izan ziren.
Joey bere jantziaz nabarmendu ohi zen, eszenategian zuen pose indartsuaz, energiaz lepo eta ahots boteretsua.
Joeyren abesteko era berezia zen oso. Ez zuen sekula klaserik hartu eta, garaiko lehian, rock banda batean profesional bat bezala abestea ezinbestekoa zen. Orroek, oihu zartatuek, hausturek eta ahots gazte hark punk rock-aren barnean ezagunenetako bat izatea lortu zuen. Ahotsa sakontzen zihoakion heinean, bere abestiak idazteko era ere sakondu zen, hasierako Joey melodiko eta estilo torpe eta kurtitu gabeko hura atzean utziz.
Azkarra eta umila zen adibide, Arturo Vega The Ramonesen logotipoaren sortzaileak kontatutako pasartea dugu:
- Zergatik ez dizkiozu sagarrak marrazten?
- A! Sagarrak jarri nahi dituzu The Ramones sagartarta bezain estatubatuarrak direla adierazi nahian, ez?
- Ez. Sagarrak gozoak direlako.
Horrela ikusten zituen gauzak Joeyk, garbi eta sinple, hori baitzen bere ustez punk-a, gauzak bere sinpletasunean.
Joey eta bere bandaren abestiak oso motzak izan ohi ziren; normalean, ez ziren 2 minututik aurrerako joaten.
Joeyk beti zeramatzan betaurreko gorri haiek soinean. Itxura arraroa zuen, ia 2 metroko gizon garaia, bakeroak eta larruzko jakak motorzale baten antzean.
Diskografia
[aldatu | aldatu iturburu kodea]The Ramones
[aldatu | aldatu iturburu kodea]- Ramones (1976)
- Leave Home (1977)
- Rocket to Russia (1977)
- Road to Ruin (1978)
- End of the Century (1980)
- Pleasant Dreams (1981)
- Subterranean Jungle (1983)
- Too Tough to Die (1984)
- Animal Boy (1986)
- Halfway to Sanity (1987)
- Brain Drain (1989)
- Mondo Bizarro (1992)
- Acid Eaters (1993)
- ¡Adiós Amigos! (1995)
Singleak
[aldatu | aldatu iturburu kodea]- Blitzkrieg Bop (1976)
- I Wanna Be Your Boyfriend (1976)
- I Remember You (1977)
- Swallow My Pride (1977)
- Sheena is a Punk Rocker (1977)
- Rockaway Beach (1977)
- Don't Come Close (1978)
- Needles and Pins (1978)
- She's the One (1979)
- Rock 'n' Roll High School (1979)
- Baby, I Love You (1980)
- Do You Remember Rock 'n' Roll Radio? (1980)
- We Want the Airwaves (1981)
- She's a Sensation (1981)
- Psycho Therapy (1983)
- Time Has Come Today (1983)
- Howling at the Moon (Sha-La-La)" (1984)
- Chasing the Night (1985)
- My Brain is Hanging Upside Down (Bonzo Goes to Bitburg) (1985)
- Somebody Put Something in My Drink (1986)
- Something to Believe In (1986)
- Crummy Stuff (1986)
- A Real Cool Time (1987)
- I Wanna Live (1987)
- Pet Sematary (1989)
- I Believe in Miracles (1989)
- Poison Heart (1992)
- Strength to Endure (1992)
- Touring (1993)
- Journey to the Center of the Mind (1993)
- Substitute (1993)
- 7 and 7 Is (1994)
- I Don't Want to Grow Up (1995)
- The Crusher (1995)
- R.A.M.O.N.E.S. (1996)
Bakarkako lanak
[aldatu | aldatu iturburu kodea]- In a Family Way EP – Sibling Rivalry (1994)
- Merry Christmas (I Don't Want to Fight Tonight) (singlea) – Joey Ramone (2001)
- Don't Worry About Me – Joey Ramone (2002)
- Ramones: Leathers from New York EP – The Ramones and Joey Ramone (1997)
- Christmas Spirit...In My House EP – Joey Ramone (2002)
- Ya Know – Joey Ramone (2012)
Singleak
[aldatu | aldatu iturburu kodea]- I Got You Babe (1982) Holly Beth Vincentekin egin zuen duetoa
- What A Wonderful World (2001)
- Rock 'N Roll is The Answer (2012)
- What I did to Deserve you (2012)
Erreferentziak
[aldatu | aldatu iturburu kodea]- ↑ (Ingelesez) http://www.nytimes.com/2001/04/16/arts/joey-ramone-punk-s-influential-yelper-dies-at-49.html
- ↑ (Ingelesez) http://www.allmusic.com/artist/joey-ramone-mn0000173487
- ↑ (Ingelesez) http://news.bbc.co.uk/2/hi/entertainment/1279856.stm
- ↑ (Ingelesez) https://web.archive.org/web/20120213171510/http://www.theindependents.net/joeyramonetribute.htm
- ↑ (Ingelesez) https://web.archive.org/web/20121023052036/http://www.mtv.com/news/articles/1442817/punk-pioneer-joey-ramone-dead-at-49.jhtml
- ↑ (Ingelesez) https://web.archive.org/web/20131102195503/http://kauhajokinyt.fi/~jplaitio/members/joeyramoneplace.html
- ↑ (Ingelesez) https://web.archive.org/web/20131218094433/http://kauhajokinyt.fi/~jplaitio/gigs/joeyramoneyaknow.html