Kawhi Leonard
Kawhi Leonard | |||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() (2019) | |||||||||||||||||||||||||||||||||||
Bizitza | |||||||||||||||||||||||||||||||||||
Jaiotza | Riverside (Kalifornia), 1991ko ekainaren 29a (33 urte) | ||||||||||||||||||||||||||||||||||
Herrialdea | ![]() | ||||||||||||||||||||||||||||||||||
Bizilekua | Riverside (Kalifornia) | ||||||||||||||||||||||||||||||||||
Lehen hizkuntza | ingelesa | ||||||||||||||||||||||||||||||||||
Familia | |||||||||||||||||||||||||||||||||||
Ezkontidea(k) | Kishele Shipley (en) ![]() | ||||||||||||||||||||||||||||||||||
Hezkuntza | |||||||||||||||||||||||||||||||||||
Heziketa | Martin Luther King High School (en) ![]() San Diego State University (en) ![]() San Diego State University (en) ![]() (2007 - | ||||||||||||||||||||||||||||||||||
Jarduerak | |||||||||||||||||||||||||||||||||||
Jarduerak | saskibaloi jokalaria | ||||||||||||||||||||||||||||||||||
| |||||||||||||||||||||||||||||||||||
Posizio edo espezialitatea | hegalekoa eskolta | ||||||||||||||||||||||||||||||||||
Kirol zenbakia | 2 | ||||||||||||||||||||||||||||||||||
Pisua | 104 kilogramo | ||||||||||||||||||||||||||||||||||
Altuera | 201 zentimetro | ||||||||||||||||||||||||||||||||||
Jasotako sariak | |||||||||||||||||||||||||||||||||||
![]() ![]() ![]() |
Kawhi Anthony Leonard (Riverside, Kalifornia, 1991ko ekainaren 29a) saskibaloi jokalari estatubatuarra da, eta jokatzen du Toronto Raptors taldean, NBA ligan. 2,01 metro garai da, eta hegaleko gisa jokatzen du.
2014ko ekainaren 15ean, Leonard NBAko txapeldun bihurtu zen San Antonio Spurs taldearekin, eta final haietako MVP izendatu zuten (jokalari onena), LeBron James famatuari egin zion defentsagatik, berau Miami Heat taldeko super izarra.
2016an lehen aldiz jokatu zuen titular gisa NBAren All-Star partida batean. 2015ean eta 2016an, bestalde, izendatu zuten NBAko defentsarik onena. The Claw deitzen diote askotan, Atzaparra, bere esku handiengatik.
2019ko ekainaren 13an, berriro ere bihurtu zen NBAko txapeldun, oraingoan Toronto Raptors taldearekin, Oakland hirian Golden State Warriors taldeari 110-114 irabazita seigarren partidan. NBAk Leonard izendatu zuen finaletako MVP jokalaria, alegia, jokalari onena.
Biografia
[aldatu | aldatu iturburu kodea]Leonard Kaliforniako hegoaldean jaio zen, bere gurasoak Mark Leonard eta Kim Robertson zirela. Bost senidetan gazteena, lau arreba dauzka. 2008ko urtarrilaren 18an, hil egin zuten Kawhiren aita, autoak garbitzeko zuen negozioan.[1] Oraindik ez dute hiltzailea aurkitu. Leonardek bi haur dauzka Kishele Shipley bere neska-lagunarekin.
2018an New Balance kirol-arropa markak urte luzetako kontratua egin zion. Horren aurretik, Leonardek kontratua zuen Air Jordan markarekin, Nike enpresaren adarra.
Leonard oso pertsona barnekoa da, eta behin baino gehiagotan adierazi du ez zaiola gustatzen hedabideetan agertzea. Hori dela-eta, oso gutxitan eskaintzen ditu elkarrizketak, eta zorrotz babesten du bere bizitza pribatua. Horrekin bat eginez, ez ditu erabiltzen sare sozialak.
Kirol bilakaera
[aldatu | aldatu iturburu kodea]Unibertsitatea
[aldatu | aldatu iturburu kodea]Bi denboraldi jokatu zituen Aztecs taldean, San Diegoko Estatu Unibertsitatean, eta bertan batezbeste egin zituen 14,1 puntu, 10,3 errebote eta 2,2 asistentzia partidako.[2] Bere lehen denboraldian titular izan zen jokatutako 34 partidetatik 33tan, eta lortu zituen 17 jaurtiketa bikoitz. Halaber, lideratu zuen Mountain West Conference delakoa errebotetan.[3] Jokatu zuen bere partidarik onena Cal State Fullerton taldearen kontra, eta bertan lortu zituen 23 puntu eta 18 errebote. Konferentziako hasiberri onena aukeratu zuten, eta bertako lehen talderako hautatu. MWCren historian lehen aldiz, hasiberri bat agertu zen boskote onenean.
Bigarren denboraldian laugarren izan zen AEBetan lortutako bikoitzetan. Berriro hautatu zuten konferentziako boskoterik onenean. Halaber, Associated Press agentziak sartu zuen All-American boskotearen bigarren taldean eta adostutako bigarren taldean.[4] 2011ko apirilean adierazi zuen ez zituela osatuko unibertsitari gisa geratzen zitzaizkion bi urteak eta NBAren draft edo aukeraketara aurkeztuko zela.
NBA
[aldatu | aldatu iturburu kodea]San Antonio Spurs
[aldatu | aldatu iturburu kodea]2011an Indiana Pacers taldeak hautatu zuen aukeraketaren 15. tokian, baina gau hartan bertan San Antonio Spurs taldera transferitu zuten, jokalari truke batean. Bere lehen denboraldian lortu zuen agertzea urteko hasiberrien lehen boskotean, eta harrezkero, zeregin inportantea izan zuen taldean.
Hurrengo denboraldian (2012-2013) egiaztatu zen lehen denboraldian ikusten zena, eta inork ez zuen eztabaidatzen haren balioa etorkizuneko jokalari moduan. Behin izan ezik, ligako partida guztietan titular gisa irten zen. Haren ekarpena areagotu egin zen, partidako 11,9 puntu eta 6 errebotera iritsi arte.
Playoffetan haren ekarpena are eta inportanteagoa izan zen, 13,5 puntu eta 9 errebotera iritsita. Leonarden rola ezinbestekoa izan zen San Antonio Spurs NBAko finaletara irits zedin. Zazpi partidako sorta dramatiko bat jokatuta, azkenean galdu egin zuten titulua LeBron James-en Miami Heat taldearen kontra.
2013-2014, lehen eraztuna eta finaletako MVP
[aldatu | aldatu iturburu kodea]![](http://178.128.105.246/content-http-upload.wikimedia.org/wikipedia/commons/thumb/1/10/Kawhi_Leonard_presents_ball_to_President_Obama_2_2015-01-12_cropped.jpg/220px-Kawhi_Leonard_presents_ball_to_President_Obama_2_2015-01-12_cropped.jpg)
Aurreko urtean finala galduta, Spurs berriro nagusitu ziren Mendebaleko konferentzian, ligako errekorrik onenarekin, eta horri esker jokalekua alde izan zuten playoff guztietan. Kawhi Leonardek lortu zituen partidako 12,8 puntu eta 6,2 errebote batezbeste liga erregularrean.
Playoffetan batezbeste 14,3 puntu eta 6,7 errebote lortu zituen partidako, eta haren ekarpena nabarmena izan zen Portland Trail Blazers garaitzeko konferentziako finalerdietan. Konferentziako finaletan Oklahoma City Thunder 4-2 garaituta, bigarren urtez jarraian jokatu zuten NBAko finala, lehen aldiz frankizia horren historian. Aurreko urtean bezala, finaleko aurkaria Miami Heat izan zen.
Finaleko lehen bi partiden ostean, non haren ekarpena apal samarra izan baitzen, Miamin jokatutako partidetan haren ekarpena ezinbestekoa izan zen.
LeBron James izarra markatu eta 29 tanto eta 20 tanto sartu zituen partida bietan. Gainera, 14 errebote harrapatu zituen Miamin jokatutako bigarren partidan (serieko laugarrena). Berriz San Antonion, bosgarren partidan 22 tanto markatu eta 10 errebote harrapatu zituen. Horrezaz gain, izugarri ondo markatu zuen LeBron James.
Kawhi finaletako jokalaririk onena izendatu zuten, eta era horretan seigarren jokalaria bihurtu zen saria jaso zuena aurretik All-Star partidetan jokatu gabe. Haren batezbestekoak izan ziren 17,8 puntu eta 6,4 errebote partidako, bere tiroen %61 saskiratuta (%58 hirukoitzak). 22 urte zituenez, bihurtu zen historiako bigarren MVPrik gazteena, Magic Johnson-en ostean, zeinak lortu baitzuen sari hori 20 eta 22 urterekin.
2015, urteko defentsarik onena
[aldatu | aldatu iturburu kodea]Hurrengo denboraldiak baieztatu egin zuen Leonard zela San Antonio Spurs taldeko frankizia-jokalari berria. Batezbeste egin zituen 16,5 puntu eta 7,2 errebote partidako. Halaber, izendatu zuten NBAko Defentsarik Onena, bera izan baitzen baloi gehien lapurtu zituen jokalaria. Hala ere, taldea ez zen ibili aurrekoetan bezain ondo, eta seigarren izan ziren Mendebaleko Konferentzian, lehen kanporaketan Los Angeles Clippers taldeari aurre eginda. Zazpigarren partidaraino iritsi ziren, baina Chris Paul-en saskiratze batek kanporatu zituen segundo baten faltan partida amaitzeko. Leonardek egin zituen 20,3 puntu eta 7,4 errebote batezbeste.
2016, All-Star eta berriz ere urteko defentsarik onena
[aldatu | aldatu iturburu kodea]Behin berretsita taldeko frankizia-jokalari berri moduan, eta udan Lamarcus Aldridge taldera ekarrita, San Antonio Spur-ek egin zuen bere historiako denboraldirik onena, denboraldi erregularrean 67 garaipen lortuta. Horri esker bigarren izan ziren Mendebaleko konferentzian, Golden State Warriors taldearen atzetik (zeinek, aldi berean, egin zuten denboraldirik onena NBAren historian, 73-9, Bullsen errekorra gaindituta). Lehen aldiz bere karreran, hautatu zuten All-Star taldean titular gisa jokatzeko. 25 minutu jokatu zituen, eta bertan 17 puntu eta 6 errebote egin zituen.
Denboraldia amaitutakoan, bigarren aldiz jarraian izendatu zuten NBAko Defentsarik Onena, lehen kanpoko jokalaria hori lortzen Sidney Moncreif-ek erdietsi zuenetik, 82-83 eta 83-84 denboraldietan. Bera izan zen, gainera, taldeko jokalaririk emankorrena denboraldi arruntean, partidako 21,2 puntu eta 6,8 errebote lortuta.
2017ko playoff-etan, Warriors taldearen kontrako lehen partidan, Leonardek min larria hartu zuen, Zaza Pachulia aurkariaren kontra tupust eginda.
2017-2018, min hartuta eta Torontora doa
[aldatu | aldatu iturburu kodea]![](http://178.128.105.246/content-http-upload.wikimedia.org/wikipedia/commons/thumb/e/e6/1_kawhi_leonard_2019_%28cropped%29.jpg/220px-1_kawhi_leonard_2019_%28cropped%29.jpg)
Hurrengo denboraldia, 2017-2018, arraroa izan zen San Antonio Spur taldean, batez ere Leonarden lesioagatik, itzuliko ote zen zurrumurruengatik. Kontua da giro arraroa sortu zela taldean, eta Leonarden 9 partida baino ez zituen jokatu denboraldi erregularrean.
2018ko udan Toronto Raptors taldera transferitu zuten, Danny Green-ekin batera, trukean Demar DeRozan, Jakob Pöltl eta 2019an lehen errondan jokalari bat hautatzeko posibilitatea jasota. Denboraldi distiratsua eginda, apirilaren 27an Leonardek taldea lideratu zuen Ekialdeko konferentzian Philadelphia 76ers taldearen kontra, zeina kanporatu zuten zazpigarren partidan. Hurrengo aurkaria Ekialdeko konferentzian Milwaukee izan zen, zeina kanporatu zuten sei partida jokatuta. Horrela, Raptors sailkatu zen, bere historian lehen aldiz, NBAko finala jokatzeko, Golden State Warriors taldearen kontra, berau Oakland hirikoa.[5]
Haren karrerako estatistikak NBAn
[aldatu | aldatu iturburu kodea]† | Adierazten zein denboralditan Leonardek irabazi zuen NBAko txapelketa |
Ligako liderra |
Denboraldi erregularra
[aldatu | aldatu iturburu kodea]Urtea | Taldea | JP | PT | MP | %KT | %3J | %JL | EP | AP | RLP | TP | PP |
---|---|---|---|---|---|---|---|---|---|---|---|---|
2011 | San Antonio | 64 | 39 | 24.0 | .493 | .376 | .773 | 5.1 | 1.1 | 1.3 | .4 | 7.9 |
2012 | San Antonio | 58 | 57 | 31.2 | .494 | .374 | .825 | 6.0 | 1.6 | 1.7 | .6 | 11.9 |
2013† | San Antonio | 66 | 65 | 29.1 | .522 | .379 | .802 | 6.2 | 2.0 | 1.7 | .8 | 12.8 |
2014 | San Antonio | 64 | 64 | 31.8 | .479 | .349 | .802 | 7.2 | 2.5 | 2.3* | .8 | 16.5 |
2015 | San Antonio | 72 | 72 | 33.1 | .506 | .443 | .874 | 6.8 | 2.6 | 1.8 | 1.0 | 21.2 |
2016 | San Antonio | 74 | 74 | 33.4 | .485 | .381 | .880 | 5.8 | 3.5 | 1.8 | .7 | 25.5 |
2017 | San Antonio | 9 | 9 | 23.3 | .468 | .314 | .816 | 4.7 | 2.3 | 2.0 | 1.0 | 16.2 |
2018 | Toronto | 60 | 60 | 34.0 | .496 | .371 | .854 | 7.3 | 3.3 | 1.8 | .4 | 26.6 |
Guztira | 467 | 440 | 30.8 | .495 | .383 | .848 | 6.3 | 2.4 | 1.8 | .7 | 17.7 | |
All-Star | 3 | 3 | 19.7 | .515 | .316 | .000 | 4.3 | 2.3 | 1.0 | .3 | 13.3 |
Playoffak
[aldatu | aldatu iturburu kodea]Urtea | Taldea | JP | PT | MP | %KT | %3J | %JL | EP | AP | RLP | TP | PP |
---|---|---|---|---|---|---|---|---|---|---|---|---|
2012 | San Antonio | 14 | 14 | 27.1 | .500 | .450 | .813 | 5.9 | .6 | 1.2 | .4 | 8.6 |
2013 | San Antonio | 21 | 21 | 36.9 | .545 | .390 | .633 | 9.0 | 1.0 | 1.8 | .5 | 13.5 |
2014† | San Antonio | 23 | 23 | 32.0 | .510 | .419 | .736 | 6.7 | 1.7 | 1.7 | .6 | 14.3 |
2015 | San Antonio | 7 | 7 | 35.7 | .477 | .423 | .771 | 7.4 | 2.6 | 1.1 | .6 | 20.3 |
2016 | San Antonio | 10 | 10 | 33.9 | .500 | .436 | .824 | 6.3 | 2.8 | 2.6 | 1.4 | 22.5 |
2017 | San Antonio | 12 | 12 | 35.8 | .525 | .455 | .931 | 7.8 | 4.6 | 1.7 | .5 | 27.7 |
Total | 87 | 87 | 33.4 | .514 | .427 | .803 | 7.3 | 1.9 | 1.7 | .6 | 16.5 |
Erreferentziak
[aldatu | aldatu iturburu kodea]- ↑ (Ingelesez) Jan 18, foxsports; ET, 2011 at 12:00a. (2011-01-18). «Father's memory helps drive Aztecs star» FOX Sports (Noiz kontsultatua: 2019-06-06).
- ↑ (Ingelesez) «Kawhi Leonard Stats» Basketball-Reference.com (Noiz kontsultatua: 2019-06-06).
- ↑ (Ingelesez) «Kawhi Leonard - Men's Basketball» SDSU Athletics (Noiz kontsultatua: 2019-06-06).[Betiko hautsitako esteka]
- ↑ (Ingelesez) «NCAA College Basketball AP All-America Teams» Basketball-Reference.com (Noiz kontsultatua: 2019-06-06).
- ↑ Agirre, Danel. «Erretxin mediatikoa eta lider hieratikoa» Berria (Noiz kontsultatua: 2019-06-06).
Kanpo estekak
[aldatu | aldatu iturburu kodea]- Kawhi Leonarden estatistikak Basketball-Reference.com webgunean.
- Leonarden fitxa NBA.com webgunean.
- Estatistikak NCAA erakundean.