Madge Adam
Madge Adam | |
---|---|
Bizitza | |
Jaiotza | Highbury eta Londres, 1912ko martxoaren 6a |
Herrialdea | ![]() ![]() |
Heriotza | 2001eko abuztuaren 25a (89 urte) |
Familia | |
Ezkontidea(k) | ezkongabea |
Hezkuntza | |
Heziketa | St Hugh's College Lady Margaret Hall |
Hizkuntzak | ingelesa |
Jarduerak | |
Jarduerak | astronomoa eta unibertsitateko irakaslea |
Enplegatzailea(k) | Oxfordeko Unibertsitatea |
Jasotako sariak |
Madge Gertrude Adam (Highbury, Londres, 1912ko martxoaren 6a – 2001eko abuztuaren 25a) astronomo britainiarra izan zen eta eguzki-fisikako graduondoko lehen ikaslea Oxfordeko Unibertsitateko behatokian.[1]
Biografia
[aldatu | aldatu iturburu kodea]Hiru anai-arrebetatik gazteena jaio zen. Aita Drayton Park eskolako irakaslea zen. Bederatzi urte zituela gaixotu zen, eta urtebete eman zuen Liverpooleko ospitalean, ukondo bateko hezur-tuberkulosia eta errakitismoa tratatzeko.[1]
Ospitaletik irten zenean, beka bat irabazi zuen South Yorkshireko Doncaster High Schoolerako, eta han zientzien eta matematiken aldeko pasioa hartu zuen. 1931n, St Hugh 's Collegen matrikulatu zen, Oxforden, fisikako beka batekin, eta "Oxforden fisikako primizia bat lortu zuen lehen emakumea" izan zen.[2] Han maisutza bat lortu zuen, eta ondoren doktoretza bat Lady Margaret Hall-en.[3]
Karrera profesionala
[aldatu | aldatu iturburu kodea]Eguzki-fisikako graduondoko lehen ikaslea izan zen Oxfordeko unibertsitateko behatokian. Urteen poderioz, funtsezko pertsona bihurtu zen han bizitza osoan, eta, azkenean, bitarteko zuzendari bihurtu zen Bigarren Mundu Gerran, zuzendaria hegazkinen ekoizpenean lan egitera joan ondoren. Ondoren, zuzendariorde iraunkor bihurtu zen eta behatokiaren finantza-kontuak bere gain hartu zituen.[1]
St. Hugh's-eko tutore laguntzaile izendatu zuten, eta astronomia ikastaroak eman zizkien Royal Navyko kadeteei, astronabigazioa azpimarratuz.[1]
Nazioartean ezaguna zen Eguzki-orbanen izaerari eta eremu magnetikoei buruz egindako lanagatik. Oxfordeko Unibertsitateko Astrofisika Saileko irakaslea izan zen 1937 eta 1979 artean, eta Royal Astronomical Societyko kidea izan zen.[2][3]
Hautatutako argitalpenak
[aldatu | aldatu iturburu kodea]- ADAM, Madge Gertrude. Interferometric Measurements of Solar Wave-Lengths and an Investigation of the Einstein Gravitational Displacement.(Reprinted from the Monthly Notices of the Astronomical Society) Taylor y Francis, 1948.
- Adam, Madge Gertrude. A new determination of the centre to limb change in solar wave-lengths." Monthly Notices of the Royal Astronomical Society 119.5 (1959): 460-474.
- Adam, Madge G. y H. Bondi. The observational tests of gravitation theory. Proceedings of the Royal Society of London. Series A. Mathematical and Physical Sciences 270.1342 (1962): 297-305.
- Adam, Madge G. Discussion of the results obtained by three tests of Einstein's relativity theory made on astronomical bodies from 1918 to 1960. PROCEEDINGS, SERIES A 270 (1962): 297-304.
- Adam, Madge Gertrude. Line contours in sunspot regions. Monthly Notices of the Royal Astronomical Society 136.1 (1967): 71-90.
Erreferentziak
[aldatu | aldatu iturburu kodea]- ↑ a b c d (Ingelesez) Williams, Kay. (2001-09-10). «Obituary: Madge Adam» the Guardian (Noiz kontsultatua: 2022-09-16).
- ↑ a b Williams, Kay. (10 September 2001). «Madge Adam» The Guardian.
- ↑ a b Haines, Catharine M. C.. (2001). International women in science : a biographical dictionary to 1950. Santa Barbara, Calif. : ABC-CLIO ISBN 978-1-57607-090-1. (Noiz kontsultatua: 2022-09-16).