Mentuhotep II.a
Mentuhotep II.a | |||||||||
---|---|---|---|---|---|---|---|---|---|
![]() | |||||||||
K.a. 2055 - K.a. 2004 ← Intef III.a - Mentuhotep III.a →
← Intef III.a - Mentuhotep III.a →
| |||||||||
Bizitza | |||||||||
Jaiotza | K.a. XXI. mendea | ||||||||
Herrialdea | Antzinako Egipto | ||||||||
Heriotza | K.a. 2013 ( urte) | ||||||||
Hobiratze lekua | Deir el-Bahari | ||||||||
Familia | |||||||||
Aita | Intef III.a | ||||||||
Ama | Iah | ||||||||
Ezkontidea(k) | Neferu II (en) ![]() Ashayet (en) ![]() Kawit (en) ![]() Kemsit (en) ![]() Tem (en) ![]() Sadeh (en) ![]() Henhenet (en) ![]() | ||||||||
Seme-alabak | ikusi
| ||||||||
Anai-arrebak | ikusi
| ||||||||
Leinua | Egiptoko XI. dinastia | ||||||||
Jarduerak | |||||||||
Jarduerak | subiranoa |
![](http://178.128.105.246/content-http-upload.wikimedia.org/wikipedia/commons/thumb/8/86/Mentuhotep_Seated.jpg/210px-Mentuhotep_Seated.jpg)
![](http://178.128.105.246/content-http-upload.wikimedia.org/wikipedia/commons/thumb/c/c8/MentuhotepII.jpg/210px-MentuhotepII.jpg)
Nebhepetra Mentuhotep edo Mentuhotep II.a, Egiptoko XI. dinastiako bosgarren faraoia izan zen, eta 50 urte inguruz gobernatu zuen, K.a. 2046tik K.a. 1995 arte, Jürgen von Beckerathen arabera, eta, historialariek, Egiptoko Inperio Ertainaren sortzailetzat jotzen dute.
Bere aita Intef III.aren oinordekoa izan zen. Bere jaiotza izena Mentuhotep zen, eta "Montu pozik dago" esan nahi du. Nebhepetra, "Raren lemazain jauna" bezala koroatua izan zen, bere erregealdian, titulatura hiru aldiz aldatu zuen arren.
Egipto guztia bere agindupean bateratzeko gerra hasi zuen, Tiniseko nomoko matxinada zanpatu zuen, Asiuteko nomoko gobernaria kargutik kendu zuen, Niloren delta inbaditzen saiatzen ari ziren asiar beduinoak kanporatu zituen eta Tebas, erresumako hiriburu politiko bihurtu zuen.
Herrialdea bateratu ondoren, erregearen autoritatea berrezarri zuen. Zentralizazio gogorreko politika bat hasi zuen eta funtzionario altu talde bat izan zuen, konfiantza osokoak, administrazio zentrala eta probintziala kontrolatzeko: chaty kargua berragertu zen, botere zentrala zuzentzen zuena eta Iparraldeko Gobernaria kargua sortu zen, agintaritza banatzen zuena Hegoaldeko Gobernaria eta Ekialdeko Basamortuetako Gobernariarekin.
Nomo gobernari leialak saritu zituen, eta, erregeak errespetatuak izan zirenez, euren lurraldeetako benetako jauntzat hartzen zuten euren burua, euren pribilegioak mantentzen baitzituzten eta autonomia handiarekin jokatzen jarraitzen baitzuten, nominalki, faraoia, gobernari goren eta Raren seme bezala onartzen zuten arren.
Egoera ekonomikoak oparotasun garai bat bizi izan zuen, batez ere Goi Egipton.
Mendebaldeko basamortuko libiarren aurka borrokatu zuen, baita Sinaiko nomaden aurka ere, Sinaiko eskualdearen domeinua ziurtatuz, baita bertako meatzeen ustiaketa ere. Itsaso Gorrirako karabana ibilbideak ere berrireki zituen. Nubian kanpainak antolatu zituen Uauat eskualderaino eta bigarren ur-jauziraino ezarri zuen kontrola. Niloko deltako eta Nubiako mugak sendotu zituen.
Hil zenean, Deir el-Baharin eraikitako tenplu-mausoleoan lurperatua izan zen.
Beranduagoko garaietan, Mentuhotep, Tebasen, jainko bezala gurtua izan zen.
Bere garaiko testigutzak
[aldatu | aldatu iturburu kodea]Mentuhotepek, Elefantinan bere aita Intef III.ak hasitako zaharberritze lanekin jarraitu zuen. Abidosen, Osirisen tenpluko eraikin erantsiak eraiki zituen. Tod eta Hermontiseko Montu jainkoaren tenpluak edertu zituen.
![](http://178.128.105.246/content-http-upload.wikimedia.org/wikipedia/commons/thumb/0/08/Mentuhotep_Deir_el-Bahri.jpg/300px-Mentuhotep_Deir_el-Bahri.jpg)
Eraikinak
- Deir el-Baharin eraikitako tenplu mausoleoa.
- Elefantinako Sateten tenpluaren berreraikitzea.
- Tenpluko eraikina, Toden.
Bere izena, honako hauetan grabatua aurkitu da
- Idazkuna harkaitz batean, Asuanetik gertu (Flinders Petrie)
- Idazkuna harkaitz batean, Shatt er-Rigalen (Flinders Petrie)
- Tenpluaren blokeak Nejab edo El Kaben
- Hil tenpluko blokeak, Deir el-Baharin (Petrie Museoa
- Denderako blokeak (Petrie Museoa)
Aurrekoa Intef III.a |
Egiptoko faraoia Egiptoko XI. dinastia |
Ondorengoa Mentuhotep III.a |