Zirrokumulu
![]() Zirrokumuluak | |
Altitudea: | 6.000 mtik gora |
---|---|
Prezipitazioa: | Ez |
Laburdura: | Cc |
Ikurra: | ![]() |
Zirrokumuluak (cirrocumulus) goi mailako hodei zuri kotoikarak dira, orbanak edo geruzak osatuz hedatzen direnak. 6 eta 14 kilometro arteko garaieran egoten baitira, hodei hauetako elementu bakoitza ñimiño ageri da, gatz edo arroz aleen itxurakoa. Altokumuluak ez bezala, zuri-zuriak dira, gune ilunik gabe. Askotan tarte erregularretan antolaturik egoten dira, uhinak eratuz (undulatus aldaera).
Motak
[aldatu | aldatu iturburu kodea]Zirrokumulu espezieak
[aldatu | aldatu iturburu kodea]Hodei genero honetan lau espezie daude [1]:
- Cirrocumulus stratiformis. Hodei geruza zabala denean.
- Cirrocumulus lenticularis. Leiar edo almendra formako eta azal homogeneoko hodeia.
- Cirrocumulus castellanus. Hodeitxoek gainalde almenaduna dutenean.
- Cirrocumulus floccus. Hodeitxoak azpialde irregularrekoak eta kumulu formakoak direnean.
Zirrokumulu aldaerak
[aldatu | aldatu iturburu kodea]- Cirrocumulus lacunosus. Hodei geruza abaraska baten antzera saretua dagoenean.
- Cirrocumulus undulatus. Hodeitxoak uhinen moduan antolatzen direnean.
Sorrera
[aldatu | aldatu iturburu kodea]Zirruak edo zirrostratuak azpitik konbekzioz berotzen direnean aire masa igotzen hasten da eta hodeiek kumulu itxura hartzen dute. Horregatik sarritan zirruak, zirroestratuak eta zirrokumuluak elkarrekin ikusten dira. Zirruen taldekoak direnez izotz kristal txikiz osaturiko hodeiak dira.
Ilunabarretan argi gorria eta horia isladatzen dute eta argazkilarientzako hodeirik ederrenak dira[2].
Prezipitazioak
[aldatu | aldatu iturburu kodea]Ez dute prezipitaziorik izaten. Sarritan ekaitzaldien ondoren agertzen dira eta prezipitazio aldia amaitu dela iragartzen dute.
Iruditegia
[aldatu | aldatu iturburu kodea]-
Cirrocumulus stratiformis.
-
Cirrocumulus undulatus.
Erreferentziak
[aldatu | aldatu iturburu kodea]- ↑ Pretor-Pinney, Gavin (2006). Guía del observador de nubes. Salamandra, ISBN 978-84-9838-130-6
- ↑ (Ingelesez) Ahrens, C. Donald. (2006-02-16). Meteorology Today. Cengage Learning ISBN 978-0-495-01162-0. (Noiz kontsultatua: 2021-04-13).
Kanpo estekak
[aldatu | aldatu iturburu kodea]- (Ingelesez) The Cloud Appreciation Society: Cirrocumulus