Nacionalismu catalán
![](http://178.128.105.246/content-http-upload.wikimedia.org/wikipedia/commons/thumb/8/87/Estelada_blava.svg/200px-Estelada_blava.svg.png)
El Nacionalismu catalán (i el su derivau, el Endependentismu catalán) es un corrienti de pensaeru que consiera que Cataluña es una nacion, basandu-si enos sus derechus estóricus, la su luenga, la su estória i el su derechu cevil.
Generalmenti el nacionalismu catalán defiendi el derechu a l'autodeterminacion, es izil, el derechu de los catalanis a decidil a tentu las sus holmas de gobielnu. Pa muchus, estu es el passu previu a la endependencia de Cataluña.
La huerça los nacionalistas catalanis consieran que la nacion catalana no es namás la comuniá autónoma de Cataluña, sinu tamien otrus territorius ondi tradicionalmenti se palra o s'á palrau catalán, estu es, la Comuniá Valenciana, la Franja de Ponienti (en el esti d'Aragón), las Islas Balearis, la Cataluña Norti (endrentu de Fráncia), Andorra i la ciá de Arguer en Cerdeña (Itália), holmandu lo que se conoci comu Paisis Catalanis.