Kelvinstigin
![](http://178.128.105.246/content-http-upload.wikimedia.org/wikipedia/commons/thumb/2/22/CelsiusKelvinThermometer.jpg/160px-CelsiusKelvinThermometer.jpg)
Í alisfrøði og evnafrøði verður hiti ella temperaturur máldur út frá tí absolutta nullpunktinum. Tá verður hitin vanliga uppgivin í kelvin.
Kelvinstigin er forskotin í mun til celsiusstigan, so at 0 °C = 273,15 K. Men tá tað kemur til hitamun, eru stigarnir eins; veksur hitin 1 K, so veksur hann eisini 1 °C.
Frá 1967 til 2019 varð kelvinstigin defineraður við, at trípunktið hjá eini ávísari isotopsamanseting av vatni er 273,16 kelvin. Trípunktið hjá vatni er altso við 0,01 °C. Hetta er ikki definitiónin upp á kelvinstigan longur, men sjálvandi er trípunktið hjá vatni framvegis við 273,16 K (nú við einari óvissu, sum í 2019 er 3,7 × 10−7 K).[1]
Kelvin, sum er SI-eind fyri hita, er nevnd eftir írsk-skotska verkfrøðinginum og alisfrøðinginum William Thomson (26. juni 1824 - 17. desember 1907), Kelvin lordur.
Stigaumrokning
[rætta | rætta wikitekst]Soleiðis rokna vit stig Celsius um til kelvin:[2] TK = TC + 273,15.
Soleiðis rokna vit kelvin um til stig Celsius:[3] TC = TK − 273,15.
Umrokning til eldri eindir er í greinini hitastigar.
Keldur
[rætta | rætta wikitekst]- ↑ BIPM: The International System of Units (SI), 2019
- ↑ http://www.rapidtables.com/convert/temperature/celsius-to-kelvin.htm
- ↑ http://www.rapidtables.com/convert/temperature/kelvin-to-celsius.htm
Celsius | Fahrenheit | Kelvin | ||||||||||||
Delisle | Newton | Rankine | Réaumur | Rømer | ||||||||||
Hitastigar |