New York Stock Exchange
![](http://178.128.105.246/content-http-upload.wikimedia.org/wikipedia/commons/thumb/e/ed/2004_-_United_States_-_Manhattan_-_New_York_City_-_New_York_-_New_York_Stock_Exchange_copy_4887745328.jpg/220px-2004_-_United_States_-_Manhattan_-_New_York_City_-_New_York_-_New_York_Stock_Exchange_copy_4887745328.jpg)
![](http://178.128.105.246/content-http-upload.wikimedia.org/wikipedia/commons/thumb/9/98/NYSE_opening_bell.jpg/220px-NYSE_opening_bell.jpg)
De New York Stock Exchange (NYSE) is ien fan de grutste oandielebeurzen fan de wrâld. NYSE wurdt laat toch it bedriuw "New York Stock Exchange, Inc.", dat gjin winsteachmerk hat. It haadkantoar sit op Broadway 18 yn New York (Dat moat net betize wurde mei de gebouwen op Wall Street, dêr't de eigentlike hannel bart.)
Skiednis
[bewurkje seksje | boarne bewurkje]De skiednis fan de NYSE set útein mei de ûndertekening op 17 maaie 1792, fan it "Buttonwood Agreement", in oerienkomst tekene troch 24 oandielehannelers ûnder in "Buttonwood-beam" foar in gebou op Wall Street 68. Op 8 maart 1817 skriuwt in organisaasje in earste rûch statút en waard de namme "New York Stock & Exchange Board" oannomd, dy't yn 1863 feroare waard yn de tsjintwurdige namme.
De earste sintrale lokaasje fan NYSE wie in keamer op Wall Street 40, hierd foar $200 yn de moanne yn 1817.
Op 1 oktober 1934 waard de beurs erkend as nasjonale beurs troch de "US Securities and Exchange Commission". De organisaasje waard fan doe ôf oan laat troch in foarsitter en in bestjoer fan 33 leden. Op 18 febrewaris 1971 waard it hjoeddeiske bestjoer foarme, dat noch mar 25 bestjoersleden hat.
Fan tiisdei 11 septimber oant freed 14 septimber 2001 wie de beurs sluten troch de terroristyske oanslaggen fan dy tiisdei. De beurs wie yn de twa iuwen dêrfoar noch nea earder op safolle dagen efterinoar ticht bleaun.