Raphael
'S e peantair linn an ath-bheòthachaidh às an Eadailt a bha ann an Raphael (Raffaelo Santi).
Rugadh agus thogadh e ann an Urbino far an robh athair dha na pheantair aig a' chùirt. Ann an 1500 chaidh e na pheantair air urra fhèin agus dh'obraich e air feadh meadhan na h-Eadailte, gu h-àraid ann am Florence. Ann an 1508 chaidh e dhan Ròimh far an do d'fhuair e fastadh leis a' Phàpa Julius II is e ag ath-sgeadachadh àras a' phàpa. Leasaich e an stoidhle aige an sin agus chaochail e ann an 1520.[1]
Sgoil na h-Àithne
[deasaich | deasaich an tùs]![](http://178.128.105.246/content-http-upload.wikimedia.org/wikipedia/commons/thumb/4/49/%22The_School_of_Athens%22_by_Raffaello_Sanzio_da_Urbino.jpg/220px-%22The_School_of_Athens%22_by_Raffaello_Sanzio_da_Urbino.jpg)
'S e tè de na h-obraichean as ainmeile le Raphael a tha ann an Sgoil na h-Àithne anns a' Bhatacan. Anns an dealbh seo tha sealladh ann an stoidhle an ath-bheòthachaidh anns a bheil feallsanaiche aosmhor, gu h-àraid Plato a' tomhadh ris an iarmailt, Aristotle a tomhadh air adhart, Diogenes na sìneadh air an staidhre, Euclid a' teagaisg geomatraidh agus Heraclitus a' sgrìobhadh.[2]
Raphael agus Alba
[deasaich | deasaich an tùs]Tha cuid de na h-obraichean le Raphael ann an Gailearaidhean Nàiseanta na h-Alba.[3]
Tha ìomhaigh na Madonna ann an Taigh Haddo ann an Siorrachd Obar Dheathain a fhuair George Hamilton-Gordon, 4mh Iarla Obar Dheathain anns na 1850an. Nuair a cheannaich e am peantadh chreid e gur e obair Raphael a bh' ann, ach chuir i às leth Innocenzo da Imola. A rèir eòlaiche ann an 2016 bha coltas gun do pheant Raphael i.[4] An dèidh sin rinn eòlaichean aig a' Ghailearaidh Nàiseanta ann an Lunnainn deuchainnean oirre agus ghabh iad ris nach robh i le Raphael, no Innocenzo, ach le peantair eile aig an Sgoil Bhologna.[5]
Iomraidhean
[deasaich | deasaich an tùs]- ↑ “Raphael (1483 - 1520)”. Gailearaidh Nàiseanta. Air a thogail 10mh dhen Ògmhios 2024.
- ↑ “School of Athens”. Musei Vaticani. Air a thogail 10mh dhen Ògmhios 2024.
- ↑ “Raphael (Raffaello Santi)”. Gailearaidhean Nàiseanta na h-Alba. Air a thogail 10mh dhen Ògmhios 2024.
- ↑ “Painting at Haddo House 'probably work of Raphael'”, BBC News. 3s dhen Dàmhair 2016. Air a thogail 10mh dhen Ògmhios 2024.
- ↑ Hannan, Martin: “Haddo House Madonna is ‘probably not’ by Italian master Raphael”, The National. 15mh dhen Lùnasdal 2019. Air a thogail 10mh dhen Ògmhios 2024.
Ceanglaichean a-mach
[deasaich | deasaich an tùs]- “Raphael (Raffaello Sanzio) - The Collection” (Beurla). Museo del Prado. Air a thogail 10mh dhen Ògmhios 2024.
- “Raphael”. National Gallery of Art, na Stàitean Aonaichte. Air a thogail 10mh dhen Ògmhios 2024.