Agasallo nupcial
![](http://178.128.105.246/content-http-upload.wikimedia.org/wikipedia/commons/thumb/1/15/Mesang099d.jpg/280px-Mesang099d.jpg)
En etoloxía denomínase agasallo nupcial, galano nupcial, obsequio nupcial, presente nupcial, ou regalo nupcial, ao comportamento animal adoptado por un macho que presenta alimentos ou substancias nutritivas á femia mentres a cortexa, se aparea con ela ou incluso despois de copular.
Este comportamento forma parte dos ritos nupciais da selección sexual.
O agasallo nupcial como parte da selección sexual
[editar | editar a fonte]Realmente é un conxunto de comportamentos máis ou menos estereotipados específicos de cada especie, pero cuxos detalles poden variar ou non dun individuo a outro. Esta inxestión de alimentos pode adoptar diferentes formas: presa capturada, abandono dunha parte do corpo que constitúe unha estratexia adaptativa contra o canibalismo das femias (por exemplo en certas arañas ou na Mantis religiosa), secrecións do macho posibelmente relacionadas coa transferencia de espermatozoides (como nos saltóns da familia dos tetigoníidos).
Formalmente, un agasallo nupcial é unha presentación material a un destinatario por parte dun doante durante ou en relación ás relacións sexuais que non son simplemente gametos para mellorar a aptitude reprodutiva do doante. Moitas veces, este agasallo tamén mellorará a forma física do destinatario. Esta definición implica agasallos neutros, agasallos caros e agasallos beneficiosos sobre a aptitude do destinatario.[1][2]
O agasallo nupcial atópase na intersección da selección sexual, a ecoloxía nutricional e a teoría da historia da vida, creando un vínculo entre estes tres aspectos.[1][2]
Propuxéronse dúas hipóteses para explicar a función adaptativa destes agasallos: estimulación da femia para prolongar o apareamento e limitar a competencia dos espermatozoides; investimento parental do macho que, alimentando á femia, aumenta a aptitude fenotípica da súa descendencia.[3]
Agasallos nupciais comestíbeis e non comestíbeis
[editar | editar a fonte]Moitos agasallos nupciais son unha fonte de nutrición para o destinatario. En moitas especies de animais, incluíndo aves, insectos e arañas, isto toma a forma dun alimento que se transfire dun macho a unha femia xusto antes da cópula.[4] Este é un comportamento que se coñece como alimentación de cortexo.[5][6]
Os agasallos non comestíbeis poden incluír elementos como un fragmento de folla ou de póla ou un globo de seda.[7]
Formas de recibir os agasallos
[editar | editar a fonte]Hai tres xeitos de recibir un agasallo. O primeiro é un agasallo oral, que se absorbe a través do aparato dixestivo do receptor. O segundo é un agasallo xenital, no que o agasallo é absorbido a través do aparato reprodutor. Por último, hai agasallos transdérmicos que o doador inxecta na parede corporal do receptor.[1]
Notas
[editar | editar a fonte]- ↑ 1,0 1,1 1,2 Lewis, Sara; South, Adam (2012). "The Evolution of Animal Nuptial Gifts". Advances in the Study of Behavior (Elsevier): 53–97. ISBN 978-0-1239-4288-3.
- ↑ 2,0 2,1 Lewis, South, SM, A (2012). The evolution of animal nuptial gifts. Advanced Behaviour. Advances in the Study of Behavior 44. pp. 53–97. ISBN 978-0-1239-4288-3.
- ↑ Karim Vahed (1998): "The function of nuptial feeding in insects: a review of empirical studies" Biological Reviews 73 (1): 43-78. (Resume).
- ↑ Alcock, John. Animal Behavior: An Evolutionary Approach (9th ed.). p. 550. Arquivado dende o orixinal o 14 de novembro de 2011. Consultado o 2 de marzo de 2021.
- ↑ Lack, D. (1940). "Courtship feeding in birds" (PDF). Auk 57 (2): 169–178.
- ↑ Logue, DM (2007). "A Greater Ani (Crotophaga major) gives a nuptial gift while copulating" (PDF). Ornitologia Neotropical 18: 311–312. Arquivado dende o orixinal (PDF) o 30 de xullo de 2014. Consultado o 2 de marzo de 2021.
- ↑ LeBas, Natasha R.; Hockham, Leon R. (2008). "An Invasion of Cheats: The Evolution of Worthless Nuptial Gifts". Current Biology 15 (1): 64–67.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Las sepias que se tragan el semen y otros regalos nupciales en TecnoXplora (en castelán).
- María G. Velarde Aguilar y Gilda Y. Andrade Michel: Regalos de "amor" entre los animales en Ciencia para preguntones (en castelán).
- National Geographic (14 de febreiro de 2019): ¿Cómo coquetean los animales? (en castelán).
- Palou, Neus (14 de febreiro de 2018). "Los animales también saben cómo seducir a sus parejas". La Vanguardia. (en castelán).