Alexander Mackendrick
![]() ![]() | |
Biografía | |
---|---|
Nacemento | 8 de setembro de 1912 ![]() Boston, Estados Unidos de América ![]() |
Morte | 22 de decembro de 1993 ![]() Os Ánxeles, Estados Unidos de América ![]() |
Causa da morte | pneumonía ![]() |
Lugar de sepultura | Westwood Village Memorial Park Cemetery (pt) ![]() ![]() |
Datos persoais | |
País de nacionalidade | Estados Unidos de América ![]() |
Educación | Escola de Arte de Glasgow (pt) ![]() Hillhead High School (en) ![]() ![]() |
Actividade | |
Lugar de traballo | Estados Unidos de América ![]() |
Ocupación | director de cinema , guionista , realizador ![]() |
Empregador | Instituto das Artes de California ![]() |
Carreira militar | |
Conflito | Segunda guerra mundial ![]() |
Familia | |
Cónxuxe | Eileen Ascroft (1934–1943), divorcio |
Premios
| |
![]() ![]() ![]() ![]() ![]() ![]() ![]() ![]() ![]() |
Alexander Mackendrick, nado en Boston (Massachusetts) o 8 de setembro de 1812 e finado nos Ánxeles (California) o 22 de decembro de 1993 foi un director de cinema escocés.
Traxectoria
[editar | editar a fonte]Foi o único fillo de Francis e Martha Mackendrick, que emigraran aos Estados Unidos desde Glasgow o ano anterior ao seu nacemento. O seu pai era construtor de barcos e enxeñeiro civil. Cando Mackendrick cumpriu seis anos o seu pai morreu vítima da gripe. A súa nai, necesitada de cartos, decidiu facerse deseñadora de roupa. Para iso tivo que deixar o seu fillo co avó, que o levou de volta a Escocia con sete anos. Mackendrick nunca volveu saber nada da súa nai.
Mackendrick tivo unha infancia triste e solitaria. Asistiu a Hillhead High School de 1919 a 1926 e logo pasou tres anos na Glasgow School of Art. A principios da década de 1930 mudouse a Londres para traballar como director de arte para a firma de publicidade de J. Walter Thompson. Entre 1936 e 1938 escribiu cinco anuncios para o cinema. En 1937 Mackendrick escribiu o seu primeiro guión, Midnight Menace, co seu curmán e amigo Roger MacDougall.
No comezo da segunda guerra mundial traballou no Ministerio de Información realizando filmes de propaganda. En 1942 foi a Alxer e Italia coa Psychological Warfare Division. Alí rodou noticiarios e documentais. Trala guerra Mackendrick e MacDougall crearon Merlin Productions, coa que producían documentais, pero resultou un malo investimento e en 1946 entrou na Ealing Studios onde traballou nove anos e dirixiu tres célebres filmes, Whisky Galore! (1949), The Man in the White Suit (1951) e The Ladykillers (1955).
En 1955 abandonou o Reino Unido para ir a Hollywood. O resto da súa vida profesional pasouna entre Londres e Os Ánxeles. En 1957 dirixiu o filme Chantaxe en Broadway, que foi un éxito de crítica e protagonizaron Tony Curtis e Burt Lancaster. Tras ser despedido da rodaxe de The Devil’s Disciple en 1959 quedou desolado e pasou a dirixir varios anuncios para a televisión. Tamén realizou unha serie de filmes durante a década de 1960.
En 1969 volveu aos Estados Unidos cando foi nomeado decano da escola de cinema do California Institute of the Arts. Deixou o cargo en 1978 para converterse en profesor da escola. Continuou na escala ata que morreu vítima dunha pneumonía en 1993.
Filmografía
[editar | editar a fonte]Director
[editar | editar a fonte]- Whisky Galore! (1949)
- The Man in the White Suit (1951)
- Mandy (1952)
- The Maggie (1954)
- The Ladykillers (1955)
- Chantaxe en Broadway (1957)
- Sammy Going South (1963)
- Vento nas velas (1965)
- Don't Make Waves (1967)
Guionista
[editar | editar a fonte]- Midnight Menace (1937)
- Saraband for Dead Lovers (1948)
- Dance Hall (1950)
Véxase tamén
[editar | editar a fonte]Bibliografía
[editar | editar a fonte]- Kemp, Philip (1991). Lethal Innocence: The Cinema of Alexander Mackendrick.
- Mackendrick, Alexander. Paul Cronin, ed. On Film-Making : An Introduction to the Craft of the Director.