Bovininos
Bovininos Bovini | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
![]() Búfalo acuático | |||||||||||||||||||
Clasificación científica | |||||||||||||||||||
| |||||||||||||||||||
Xéneros | |||||||||||||||||||
![](http://178.128.105.246/content-http-upload.wikimedia.org/wikipedia/commons/thumb/8/8d/American_bison_k5680-1.jpg/220px-American_bison_k5680-1.jpg)
![](http://178.128.105.246/content-http-upload.wikimedia.org/wikipedia/commons/thumb/5/58/Vaca_rubia_galega._Oroso_1.jpg/220px-Vaca_rubia_galega._Oroso_1.jpg)
![](http://178.128.105.246/content-http-upload.wikimedia.org/wikipedia/commons/thumb/1/11/Bos_taurus_indicus.jpg/220px-Bos_taurus_indicus.jpg)
A dos bovininos (Bovini) é unha tribo de mamíferos artiodáctilos ruminantes da familia dos bóvidos e subfamilia dos bovinos.
Esta tribo comprende de grandes a moi grandes herbívoros, entre eles animais domésticos de grande importancia económica para os seres humanos, como o búfalo doméstico e o iac, así como parentes asiáticos máis pequenos e grandes bóvidos de vida libre como o búfalo africano e os bisontes americano e europeo.
Taxonomía
[editar | editar a fonte]A tribo foi definida en 1921 polo zoólogo británico John Edward Gray, na súa obra "On the natural arrangement of Vertebrose Animals" (publicada en London Medical Repository 15: 296–310).
O termo do latín científico Bovini adáptase aquí como bovininos para non confundilo co nome da subfamilia, bovinos (Bovinae), adaptando a desinencia empregada para formar os nomes das tribos, -íni, como -inini, igual que se fai noutros idiomas romances, como o portugués,[1] ou o castelán.[2]
A continuación faise unha relación dos actuais xéneros e especies:[3]
Tribo Bovini
- Xénero Bison
- Bison bison - bisonte americano
- Bison bonasus - bisonte europeo
- Xénero Bos
- Bos primigenius - uro (extinguido)
- Bos javanicus - banteng
- Bos gaurus - gauro
- Bos frontalis - gaial
- Bos mutus - iac
- Bos taurus - boi doméstico (considerado, cada vez máis, como unha subespecie de Bos primigenius)
- Bos indicus - cebú
- Bos sauveli - cuprei
- Xénero Bubalus
- Bubalus bubalis - búfalo acuático
- Bubalus depressicornis - anoa das chairas
- Bubalus quarlesi -anoa de montaña
- Bubalus mindorensis - tamarao
- Xénero Pseudoryx
- Pseudoryx nghetinhensis - saola
- Xénerto Syncerus
- Syncerus caffer - búfalo africano
Evolución
[editar | editar a fonte]As relacións máis próximas a esta tribo son coas tribos Boselaphini e Tragelaphini. O antepasado común de todas as especies dos Bovini parece ser que viviu hai uns 5 millóns de anos.
Os primeiros clados que diverxeron foron os das especies dos búfalos (xéneros Bubalus e Syncerus). A continuación separáronse os clados das especies banteng e gauro e o touro doméstico.
É posíbel que tamén existira un cuarto clado que comprendería aos bisontes e os iacs.[4]
Árbore filoxenética
[editar | editar a fonte]Recentes estudos de filoxenia permitiron establecer a árbore filoxenética seguinte:[5][6]
Bovini |
| |||||||||||||||||||||||||||||||||
Nótese que a posición do xénero Bison está en discusión.
Importancia económica
[editar | editar a fonte]Os bovininos están presentes en todos os continentes. A súa poboación global ascende a 1,5 billóns cabezas (das que 1,4 billóns son vacúns e 150 millósnes cebús).
Empréganse para o traballo agrícola, aspecto importante aínda nos países subdesenvolvidos, para o aproveitamento do leite, que ademais de ser un fundamental alimento é unha fonte importante de graxa (manteiga), e da carne (excepto na India). Tamén se utiliza a súa pel (para a fabricación do coiro), os seus cornos, e a bosta, como fertilizante, ademais de utilizarse, seca, como combustíbel nalgúns países, e mesmo para a construción de vivendas (cabanas), como entre os masais de Kenya.
Notas
[editar | editar a fonte]- ↑ Bovininos Arquivado 20 de outubro de 2014 en Wayback Machine. en Campoagro.com.br
- ↑ Bovinos Arquivado 16 de outubro de 2014 en Wayback Machine. en Universidad de Salamanca. Diccionario médico-biológico, histórico y etimológico.
- ↑ Coa excepción, por razóns didácticas, do uro.
- ↑ Maceachern S.; McEwan J. & Goddard M. (2009): "Phylogenetic reconstruction and the identification of ancient polymorphism in the Bovini tribe (Bovidae, Bovinae)", BMC Genomics 10 (1): 177. Resumo
- ↑ Alexandre Hassanin & Anne Ropiquet (2004): "Molecular phylogeny of the tribe Bovini (Bovidae, Bovinae) and the taxonomic status of the Kouprey, Bos sauveli Urbain 1937
- ↑ Jonathan D. Margot (2007): "Molecular phylogeny of terrestrial artiodactyls". En Donald R. Prothero et Scott E. Foss, dir. The Evolution of Artiodactyls. ISBN 978-0-8018-8735-2.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Bovininos ![]() |
![]() |
Wikispecies posúe unha páxina sobre: Bovininos |
Bibliografía
[editar | editar a fonte]- Kowalski, Kazimierz (1981): Mamíferos. Manual de teriología. Madrid: H. Blume Ediciones. ISBN 84-7214-229-9.
- Wilson, D. E. & D. M. Reeder, editors (2005): Mammal species of the world: a taxonomic and geographic reference. Third edition. The Johns Hopkins University Press. Baltimore, Maryland, USA. ISBN 0-8018-8221-4.
Outros artigos
[editar | editar a fonte]Ligazóns externas
[editar | editar a fonte]- Bovinae Arquivado 10 de marzo de 2010 en Wayback Machine. en ultimateungulate.com (en inglés)