Cacheira
![](http://178.128.105.246/content-http-upload.wikimedia.org/wikipedia/commons/thumb/5/5d/Cabezadecerdo-04614.jpg/250px-Cabezadecerdo-04614.jpg)
A cacheira, ou cachaza, cachola ou cachucha, é como se denomina á cabeza do porco, despois de despezado,[1] cando está salgada.[2] É un dos ingredientes do cocido, especialmente do cocido galego.
Partes que comprende
[editar | editar a fonte]A cacheira inclúe as orellas, o fociño e a cara, sen contar a papada, e normalmente consérvase curada, salgada ou afumada.[Cómpre referencia]
Cacheira prensada
[editar | editar a fonte]A cacheira prensada, tamén chamada queixo do porco, é un embutido feito principalmente con carne da cabeza do porco e outros miúdos, condimentados, e sometido a unha cocción.
Prepárase como se fora un cocido, con grelos, un pouco de unto, e outros ingredientes do cocido. Cando está ben tenra a cacheira, que xa comeza a despegarse, sácase todo o óso e o exceso de carne, o que é a parte da faceira (a que está debaixo da mandíbula). Retírase esa parte, porque senón, ao prensala, como non ten tanta xelatina, pode ter o perigo de que se desfaga (é que a xelatina é como un pegamento).[3]
Pode facerse cun tupper que encaixe noutro. Bótase toda a carne esmiuzada nun deles (e se fai falta rectifcar de sal, faise), ponse o outro tupper enriba e apértase forte, colocando un peso encima, por exemplo, catro cartóns de leite. Déixase un día e medio na neveira e, pasado ese tempo, sácase do tupper e queda como un flan.[3]
Notas
[editar | editar a fonte]- ↑ cacheira, 1ª acep. no Dicionario da RAG.
- ↑ cachola. En: VV. AA. (2009): Gran dicionario Xerais da lingua. Volume I. Vigo: Edicións Xerais de Galicia. ISBN 978-84-9914-071-1.
- ↑ 3,0 3,1 Mónica Martínez (15 de febreiro de 2018). "Todo el sabor del cocido gallego en una terrina, con alcachofas para compensar". Mundiario. Consultado o 22 de decembro de 2020.
Véxase tamén
[editar | editar a fonte]![]() |
Vexa a entrada do Galizionario acerca de Cacheira |