Ciberpunk
Aparencia
![](http://178.128.105.246/content-http-upload.wikimedia.org/wikipedia/commons/thumb/2/2e/William_Gibson_%28Georgia_Tech%29.jpg/220px-William_Gibson_%28Georgia_Tech%29.jpg)
Ciberpunk, ou cyberpunk no orixinal inglés, é un subxénero da ciencia ficción, coñecido pola súa atención posta na "alta tecnoloxía e o baixo nivel de vida". Así, toma o seu nome da combinación de cibernética e punk. Mestura ciencia avanzada, como as tecnoloxías da información e a cibernética, xunto con algún grao de desintegración ou cambio radical na orde social. De acordo con Lawrence Person:
Os personaxes do cyberpunk clásico son seres marxinados, afastados, solitarios, que viven á marxe da sociedade, xeralmente en futuros distópicos onde a vida diaria é impactada polo rápido cambio tecnolóxico, unha atmosfera de información computarizada ubicua e a modificación invasiva do corpo humano.