Fernando Meirelles
![]() | |
Biografía | |
---|---|
Nacemento | 11 de setembro de 1955 ![]() São Paulo, Brasil ![]() |
Datos persoais | |
País de nacionalidade | Brasil ![]() |
Educación | Universidade de São Paulo ![]() |
Actividade | |
Ocupación | director de cinema , guionista , produtor de cinema , realizador ![]() |
Período de actividade | 1982 ![]() |
Lingua | Lingua inglesa e lingua portuguesa ![]() |
Premios | |
![]() ![]() ![]() ![]() ![]() ![]() |
Fernando Ferreira Meirelles, nado en São Paulo o 9 de novembro de 1955 é un director, guionista e produtor brasileiro.
Traxectoria
[editar | editar a fonte]O pai de Meirelles, José de Souza Meirelles, é un médico especialista en gantroenteroloxía que viaxaba regularmente a Asia e Norte América, o que deu a Fernando a oportunidade de contactar con diferentes culturas. A súa nai, Sônia Junqueira Ferreira Meirelles, é filla de granxeiros e traballou como paisaxista e deseñadora de interiores durante un longo tempo.
As súas primeiras experiencias co cinema foi co seu pai, que dirixiu filmes en 8 mm durante o seu traballo na universidade. En 1967, con once anos, Fernando pasou un ano en California, onde contactou co movemento hippie, que o impresionou. Con trece anos comezou a producir pequenos filmes en Super 8, inspirados polas animacións de Norman McLaren.
Durante a década de 1980 estudou na Escola de Arquitectura e Urbanismo da Universidade de São Paulo. O seu traballo de graduación foi feito en forma de filmes. Neses anos involucrouse tamén no cinema experimental, xunto cos seus amigos Paul Morelli, Marcelo Machado, Dário Vizeu e Bob Salatini. Os cinco fundaron a produtora independente Olhar Eletrônico. En 1982 realizaron programas infantís de televisión e a finais da década interesáronse na publicidade. En 1990 fecharon Olhar Eletrônico e abriron o negocio de publicidade O2 Films.
En 1997 Meirelles leu o libro de Paulo Lins Cidade de Deus e decidiu adaptala no filme realizado en 2002. Co éxito do filme conseguiu ofertas de Hollywood, conseguindo de novo boas críticas con The Constant Gardener.
Filmografía
[editar | editar a fonte]Cinema
[editar | editar a fonte]Ano | Título |
---|---|
1998 | O Menino Maluquinho 2 |
2001 | Domésticas |
2002 | Cidade de Deus |
2005 | The Constant Gardener |
2008 | Blindness |
2011 | 360 |
Brasil Animado (voz) | |
2012 | Elena (produtor executivo) |
2014 | Rio, Eu Te Amo |
Televisión
[editar | editar a fonte]Ano | Título | Canal | Notas |
---|---|---|---|
1983 | Ernesto Varela, o Repórter | Rede Globo | |
1989 | Castelo Rá-Tim-Bum | TV Cultura | |
2013 | A Verdade de Cada Um[1] | National Geographic Channel | Produtor |
2013 | Os Experientes[2] | Rede Globo | |
2015 | Felizes para Sempre? | Rede Globo | Director |