Fernando Seoane
Seoane | |||
---|---|---|---|
Información persoal | |||
Nome | Fernando Seoane Antelo | ||
Nacemento | 25 de marzo de 1983 | ||
Lugar de nacemento | Santiago de Compostela | ||
Altura | 1,79 m | ||
Posición | Centrocampista | ||
Carreira xuvenil | |||
Villestro | |||
Compostela | |||
Carreira sénior | |||
Anos | Equipos | Aprs | (Gls) |
2002–2003 | Compostela B | ||
2003–2004 | Compostela | 30 | (0) |
2004–2006 | Alavés B | 61 | (4) |
2006–2007 | Burgos | 37 | (1) |
2007–2009 | Écija | 71 | (0) |
2009–2010 | Lugo | 36 | (0) |
2010–2012 | Gimnàstic | 75 | (0) |
2012–2022 | Lugo | 351 | (7) |
Partidos e goles só en liga doméstica. [ editar datos en Wikidata ] | |||
Fernando Seoane Antelo, nado o 25 de marzo de 1983 en Tapia, Ames, é un exfutbolista galego. Xogaba como centrocampista e desenvolveu toda a súa carreira entre a Segunda División e a Segunda División B. É o segundo futbolista con máis partidos disputados na historia da Segunda División, con 426 encontros, só por detrás dos 571 de Nino.
Futbolista histórico do Lugo, é o cuarto xogador con máis partidos da historia do club (397), só por detrás de Alvite, Domínguez e Carlos Pita, futbolista este último co que formou a dupla titular no centro do campo durante unha década. É ademais o futbolista con máis partidos en Segunda División na historia do Lugo (351).
Traxectoria
[editar | editar a fonte]Comezos no Compostela
[editar | editar a fonte]Nado en Tapia, Ames, xogou ao fútbol na SD Villestro ata a idade cadete, entrando logo na canteira do Compostela. Tras pasar polo equipo xuvenil e polo filial compostelán, debutou na Segunda División B co primeiro equipo na tempada 2003/04, da man do adestrador Pichi Lucas. No seu primeiro ano xogou 30 partidos, aínda que non puido evitar o descenso do seu equipo á Terceira. Con todo, o seu rendemento chamou a atención doutros clubs da categoría de bronce, asinando ao ano seguinte co filial do Deportivo Alavés.
Periplo pola Segunda B
[editar | editar a fonte]Permaneceu dúas temporadas no Alavés B, sendo un dos habituais do once titular do equipo vasco. Con todo, o equipo tamén descendeu de categoría e Seoane buscou novo equipo. Esta vez asinou co Burgos CF, adestrado por Gonzalo Arconada. Militou un ano no club burgalés, onde xogou como lateral dereito, e disputou a fase de ascenso a Segunda, eliminando o Alcoyano e caendo na final contra o Sevilla Atlético.[1]
Na tempada 2007/08 fichou polo Écija Balompié, da mesma categoría. No equipo andaluz coincidiu con futbolistas como Xisco Campos ou Nolito, e proclamouse campión do grupo IV, pero non logrou o ascenso ao perder na final da fase de ascenso contra o Huesca, despois de ter eliminado ao Fabril.[2]
Primeiro paso polo Lugo
[editar | editar a fonte]Na temporada 2009-10, volveu a Galiza e asinou co Lugo de Quique Setién, onde se converteu nun dos piares do equipo, formando unha destacada parella de mediocentros xunto con Marcos Rodríguez. Disputou 35 partidos, todos como titular, perdendo só tres encontros por sanción. Tras o seu gran ano, interesáronse por el varios equipos da Segunda División. Finalmente, decidiu asinar co Gimnàstic de Tarragona de Luis César Sampedro.[3]
Debut en Segunda co Nàstic
[editar | editar a fonte]Debutou na Segunda División na primeira xornada da tempada 2010/11, nun partido contra a UD Las Palmas no estadio de Gran Canaria que acabou con derrota (3-2).[4] Xa no seu primeiro ano na categoría de prata converteuse nun dos xogadores fundamentais do equipo catalán, tendo como compañeiro máis habitual no centro do campo a Fernando Morán. Xogou 38 partidos esa primeira tempada, 37 deles como titular. Na seguinte campaña disputou 38 encontros, 35 como titular, pero non puido evitar que o equipo descendese a Segunda B.[5]
Segunda etapa no Lugo
[editar | editar a fonte]Tras o descenso do Nàstic, o recentemente ascendido CD Lugo interesouse de novo polo xogador, asinando este polo club galego. Titular indiscutible dende a súa chegada, converteuse nun dos alicerces do equipo durante a seguinte década xunto con Carlos Pita, disputando preto de 400 partidos cada un. Na tempada 2016/17 coincidiu no Lugo co que fora o seu adestrador no Nàstic, Luis César Sampedro, obtendo o equipo o 9º posto, a mellor clasificación da historia do club.
O 28 de maio de 2022 disputou o seu último partido como profesional, saíndo como titular no derradeiro partido da tempada 2021/22 ante o Málaga no Anxo Carro (1-0). Foi o seu 426º partido na Segunda División, co que superou os 425 de Quique Martín, colocándose en solitario como o segundo futbolista con máis partidos na historia da competición, só po detrás dos 571 de Nino.[6]
Clubs
[editar | editar a fonte]Club | Div | Tempada | Liga | Copa do Rei | Promocións | Total | ||||
---|---|---|---|---|---|---|---|---|---|---|
Part. | Goles | Part. | Goles | Part. | Goles | Part. | Goles | |||
Compostela B | 3ª | 2002–03 | – | – | – | – | ||||
Compostela | 2ª B | 2003–04 | 30 | 0 | 1 | 0 | – | – | 31 | 0 |
Alavés B | 2ª B | 2004–05 | 36 | 1 | – | – | – | – | 37 | 1 |
2ª B | 2005–06 | 25 | 3 | – | – | – | – | 25 | 3 | |
Total club | 61 | 4 | – | – | – | – | 61 | 4 | ||
Burgos CF | 2ª B | 2006–07 | 34 | 1 | 3 | 0 | 3 | 0 | 40 | 1 |
Écija | 2ª B | 2007–08 | 35 | 0 | 0 | 0 | 4 | 0 | 39 | 0 |
2008–09 | 32 | 0 | 2 | 1 | – | – | 34 | 1 | ||
Total club | 67 | 0 | 2 | 1 | 4 | 0 | 73 | 1 | ||
Lugo | 2ª B | 2009–10 | 35 | 0 | – | – | – | – | 35 | 0 |
Nàstic | 2ª | 2010–11 | 38 | 0 | 0 | 0 | – | – | 38 | 0 |
2ª | 2011–12 | 37 | 0 | 1 | 0 | – | – | 38 | 0 | |
Total club | 75 | 0 | 1 | 0 | – | – | 77 | 0 | ||
Lugo | 2ª | 2012–13 | 36 | 0 | 1 | 0 | – | – | 37 | 0 |
2ª | 2013–14 | 40 | 2 | 1 | 0 | – | – | 41 | 2 | |
2ª | 2014–15 | 41 | 1 | 2 | 0 | – | – | 43 | 1 | |
2ª | 2015–16 | 39 | 1 | 2 | 0 | – | – | 41 | 1 | |
2ª | 2016–17 | 38 | 2 | 1 | 0 | – | – | 39 | 2 | |
2ª | 2017–18 | 41 | 1 | 1 | 0 | – | – | 42 | 1 | |
2ª | 2018–19 | 34 | 0 | 0 | 0 | – | – | 34 | 0 | |
2ª | 2019–20 | 32 | 0 | 0 | 0 | – | – | 32 | 0 | |
2ª | 2020–21 | 28 | 0 | 2 | 0 | – | – | 30 | 0 | |
2ª | 2021–22 | 22 | 0 | 1 | 0 | – | – | 23 | 0 | |
Total club | 386 | 7 | 11 | 0 | – | – | 397 | 7 | ||
Total | 653 | 12 | 18 | 1 | 7 | 0 | 678 | 13 |
Notas
[editar | editar a fonte]- ↑ "De la banda derecha de El Plantío a histórico en Segunda" (en castelán). 15 de outubro de 2021. Consultado o 10 de decembro de 2021.
- ↑ "El último superviviente" (en castelán). 21 de maio de 2018. Consultado o 10 de decembro de 2021.
- ↑ "El Nàstic ficha a Fernando Seoane para la próxima temporada". Marca. 28 de abril de 2010.
- ↑ "3-2. Las Palmas convence ante el Nàstic a base de goles y cantera". Mundo Deportivo (en castelán). 28 de agosto de 2010. Consultado o 10 de decembro de 2021.
- ↑ "El Nàstic certifica su descenso". Marca (en castelán). 19 de maio de 2012. Consultado o 10 de decembro de 2021.
- ↑ Conde, Luis (28 de novembro de 2021). "Seoane, bronce en experiencia". La Voz de Galicia (en castelán). Consultado o 10 de decembro de 2021.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en BDFutbol (en castelán).