Jo Siffert
![]() (1968) ![]() | |||||||||||||||||||||||||||||
Biografía | |||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Nacemento | 7 de xullo de 1936 ![]() Friburgo, Suíza ![]() | ||||||||||||||||||||||||||||
Morte | 24 de outubro de 1971 ![]() Circuíto de Brands Hatch, Reino Unido ![]() | ||||||||||||||||||||||||||||
Causa da morte | morte accidental sports accident, smoke inhalation injury (en) ![]() accidente de coche ![]() | ||||||||||||||||||||||||||||
Lugar de sepultura | Friburgo ![]() | ||||||||||||||||||||||||||||
Datos persoais | |||||||||||||||||||||||||||||
País de nacionalidade | Suíza ![]() | ||||||||||||||||||||||||||||
Actividade | |||||||||||||||||||||||||||||
Ocupación | piloto de motociclismo , piloto de automobilismo , piloto de Fórmula Un ![]() | ||||||||||||||||||||||||||||
Deporte | Motociclismo Fórmula 1 ![]() | ||||||||||||||||||||||||||||
| |||||||||||||||||||||||||||||
Participou en | |||||||||||||||||||||||||||||
24 Horas de Le Mans ![]() |
|||||||||||||||||||||||||||||
Premios | |||||||||||||||||||||||||||||
![]() ![]() |
Joseph Siffert, nado en Friburgo o 7 de xullo de 1936 e finado en Brands Hatch (Reino Unido) o 24 de outubro de 1971 foi un piloto suízo.
Coñecido cariñosamente como "Seppi" pola súa familia e amigos próximos, Siffert era fillo do dono dunha leiteira. Inicialmente fíxose un nome nas carreiras sobre dúas rodas, antes de pasar ás catro rodas na Fórmula Júnior. Siffert comezou na Fórmula 1 como privado en 1962, cun Lotus - Climax de catro cilindros. Máis tarde trasladouse ao equipo suízo Scuderia Filipinetti, e en 1964 uniuse ao equipo de Walker Rob o privado Walker Rob Racing Team. Os primeiros éxitos inclúen vitorias nas carreiras non de campionato Gran Premio do Mediterráneo de 1964 e 1965, ambas veces batendo a Jim Clark por unha marxe moi estreita. Siffert casou dúas veces e coa súa segunda esposa Simone durante o apoxeo da súa carreira a finais de 1960 e na época da súa morte en 1971. Tiveron dous fillos, Véronique e Philippe.
Traxectoria
[editar | editar a fonte]Fórmula Un
[editar | editar a fonte]![](http://178.128.105.246/content-http-upload.wikimedia.org/wikipedia/commons/thumb/c/c1/Porsche_906_mit_J._Siffert_am_03.06.1966.jpg/250px-Porsche_906_mit_J._Siffert_am_03.06.1966.jpg)
En 1968, Siffert entrou nos libros de historia da F1 ao gañar o Gran Premio do Reino Unido de 1968 en Brands Hatch cun Lotus 49B do equipo Rob Walker Racing Team, superando a Chris Amon de Ferrari no segundo lugar logo dunha longa batalla. Esta considérase a última vitoria no mundial por un privado xenuino.[1]
Coches Deportivos
[editar | editar a fonte]Aínda que o status de Siffert na F1 creceu aos poucos, a súa fama chegou como piloto líder da fábrica Porsche na súa procura do Campionato mundial de resistencia. En 1968, Siffert e Hans Herrmann gañaron as 24 Horas de Daytona e as 12 Horas de Sebring nun Porsche 907, que marcaron as primeiras grandes vitorias absolutas para a empresa.
![](http://178.128.105.246/content-http-upload.wikimedia.org/wikipedia/commons/thumb/0/0f/Porsche_908_-_Josef_Siffert_1970-05-31.jpg/300px-Porsche_908_-_Josef_Siffert_1970-05-31.jpg)
![](http://178.128.105.246/content-http-upload.wikimedia.org/wikipedia/commons/thumb/e/e0/1971-05-29_Joseph_Siffert%2C_Porsche_908-3_%28Gegengerade%29.jpg/300px-1971-05-29_Joseph_Siffert%2C_Porsche_908-3_%28Gegengerade%29.jpg)
Logo, as exhibicións de condución de Siffert no Porsche 917 foron lendarias, o que lle valeu varias vitorias importantes en Europa. Ademais, Siffert foi elixido por Porsche para axudar a lanzar o seu programa de desenvolvemento CanAm, pilotando un Porsche 917 PA spyder en 1969 e terminando cuarto no campionato malia poucas participacións.
En 1970 asociouse con Brian Redman para pilotar un Porsche 908/3 na vitoria da Targa Florio. Ese mesmo ano, Porsche financiou o asento de Siffert no equipo oficial de F1 March Engineering xa que a compañía alemá non quería perder a un dos seus pilotos gañadores co seu rival Ferrari. A súa asociación con March en F1 foi desastroso, así que mostrouse encantado de unirse ao seu piloto rival en Porsche Pedro Rodríguez en BRM na seguinte tempada.
Morte
[editar | editar a fonte]Siffert gañou o Gran Premio de Austria de 1971, pero morreu nunha carreira fóra de campionato, no World Championship Victory Race en Brands Hatch, a escena da súa primeira e gran vitoria en 1968. A suspensión do seu BRM fora danada na primeira volta nun incidente con Ronnie Peterson, e rompeuse máis tarde. Isto non foi admitido por BRM ata moito máis tarde, cando este feito divulgouse accidentalmente por un ex-mecánico de BRM.[2] O BRM estrelouse e incendiouse de inmediato. Siffert non puido librarse do coche ardendo.
Este accidente deu lugar a unha rápida revisión da seguridade, tanto nos coches como no circuíto. Na posterior investigación do Real Automóbil Club (no Reino Unido era a organización representativa de regulamentación da FIA no momento) descubriuse que o propio accidente non causara lesións mortais, e que Siffert morrera por inhalación de fume. Ningún dos extintores de incendios funcionou, e resultou imposible chegar ó coche e extraer a Siffert debido ó lume extremadamente intenso. Fixéronse obrigatorios os extintores de incendios a bordo (con BCF-bromoclorodifluorometano, un produto de aviación), os tubos de aire para os pilotos, directamente no seu casco e retardantes de lume moito mellores nas fundas de condución.
Ao seu funeral en Suíza asistiron 50.000 persoas e un Gulf-Porsche 917 do equipo John Wyer precedía o coche fúnebre e procesión polas rúas Link Arquivado 27 de setembro de 2011 en Wayback Machine. de Friburgo. Unha historia moi completa sobre a vida e morte de Siffert foi publicado en 2005 por Roger de Benoit no xornal suízo Der Blick Arquivado 27 de setembro de 2011 en Wayback Machine.. Benoit era xornalista deportivo de Fórmula 1 nese período e coñecía a Siffert. Tamén estivo presente na última e tráxica carreira de Siffert en Brands Hatch en 1971. A noite antes da carreira Benoit tomou fotos de Siffert, a súa esposa Simone e a súa nai María, así como co seu amigo Jean Tinguely Ligazón Arquivado 27 de setembro de 2011 en Wayback Machine.. A continuación, tomou tamén a última imaxe de Siffert vivo mentres estaba sentado esperando no seu BRM na pole position na liña de saída cinco minutos antes do inicio da fatídica carreira. A nai de Siffert morreu en 1988, sobrevivindo ao seu fillo por máis de 17 anos.
Legado
[editar | editar a fonte]En 2005, foi feito un documental informativo de 90 minutos sobre a súa vida polo director Homes Lareida: Jo Siffert - vive rápido, morre novo [1][Ligazón morta] "DVD" [2] Arquivado 31 de maio de 2020 en Wayback Machine..
Resultados completos na Fórmula Un
[editar | editar a fonte]Resultados completos do Campionato do Mundo
[editar | editar a fonte](Chave) As carreiras en letra grosa indican pole position; as carreiras en cursiva indican volta rápida.
†Os coches de Fórmula 2 ocuparon os postos do quinto ao décimo no Gran Premio de Alemaña de 1969, pero, os pilotos destes vehículos non podían puntuar para o campionato. Os puntos para o quinto e sexto foron outorgados aos pilotos dos vehículos undécimo e duodécimo.
Resultados en carreiras non de campionato
[editar | editar a fonte]Ano | Equipo | Chasis | Motor | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 |
---|---|---|---|---|---|---|---|---|---|---|---|---|---|---|---|---|---|---|---|---|---|---|---|
1962 | Ecurie Nationale Suisse | Cooper T60 | Climax V8 | CAP | BRX 6 |
LOM | LAV | GLV | PAU 7 |
AIN | INT | MAL | CLP | KAN | DAN | OUL | MEX | RAN | NAT | ||||
Scuderia Filipinetti | Lotus 25 | Climax V8 | NAP DNA |
RMS 9 |
SOL Ret |
MED 4 |
|||||||||||||||||
1963 | Ecurie Filipinetti | Lotus 25 | Climax V8 | LOM NTS |
GLV | PAU Ret |
IMO 2 |
SYR 1 |
AIN | INT | ROM DNP |
SOL Ret |
KAN | MED 5 |
AUT Ret |
OUL 11 |
RAN | ||||||
1964 | Siffert Racing Team Lotus | Lotus 25 | V8 | DMT | NWT | SYR DNS |
AIN WD |
INT 11 |
SOL 7 |
MED 1 |
RAN | ||||||||||||
1965 | Rob Walker Racing Team | Brabham BT11 | V8 | ROC 6 |
SYR Ret |
SMT Ret |
INT | MED 1 |
RAN 5 |
||||||||||||||
1966 | Rob Walker Racing Team | Brabham BT11 | V8 | RSA 2 |
SYR Ret |
INT Ret |
OUL | ||||||||||||||||
1967 | Rob Walker Racing Team | Cooper T81 | Maserati V12 | ROC 3 |
SPC | INT 3 |
SYR 3 |
OUL | ESP Ret |
||||||||||||||
1968 | Rob Walker Racing Team | Lotus 49B | V8 | ROC DNS |
INT Ret |
OUL | |||||||||||||||||
1969 | Rob Walker Racing Team / Jack Durlacher |
Lotus 49B | Cosworth V8 | ROC 4 |
INT 11 |
MAD |
OUL |
||||||||||||||||
1971 | March Engineering | March 701 | Cosworth V8 | ARX 6 |
|||||||||||||||||||
Yardley-BRM | BRM P160 | BRM V12 | ROC |
QUE 6 |
SPR Ret |
INT |
RIN |
OUL |
VIC 4 |
Notas
[editar | editar a fonte]- ↑ "8W - What? - R R C Walker Racing Team". Consultado o 2008-04-19.
- ↑ "Source; "Der Blick" 2005". Arquivado dende o orixinal o 27 de setembro de 2011. Consultado o 03 de maio de 2013.
Véxase tamén
[editar | editar a fonte]Ligazóns externas
[editar | editar a fonte]- Páxina web oficial de Jo Siffert web (alemán e francés) de Philippe Siffert, fillo deJo Arquivado 27 de agosto de 2012 en Wayback Machine.
- Jo Siffert fan page authorized by Simone Siffert, Jo's second wife
![]() |
Wikimedia Commons ten máis contidos multimedia na categoría: Jo Siffert ![]() |
- Pilotos de Fórmula 1 de Suíza
- Pilotos de Fórmula 1 de Scuderia Filipinetti
- Pilotos de Fórmula 1 de Siffert Racing
- Pilotos de Fórmula 1 de March
- Pilotos de Fórmula 1 de British Racing Motors
- Pilotos de Fórmula 1 de Rob Walker Racing Team
- Pilotos das 24 Horas de Le Mans
- Nados no cantón de Friburgo
- Nados en 1936
- Finados en 1971