KAGRA
![O KAGRA, en construción.](http://178.128.105.246/content-http-upload.wikimedia.org/wikipedia/commons/thumb/b/bc/In-construction_KAGRA_gravitational-wave_detector.jpg/220px-In-construction_KAGRA_gravitational-wave_detector.jpg)
O KAmioka GRAvitational wave detector, KAGRA, é un interferómetro detector de ondas gravitacionais xaponés.[1]
Comezado en 2010 e rematado en 2019, situado na mina de Kamioka, concello de Hida na prefectura de Gifu, a 200 m baixo terra, entrou en funcionamento o 25 de febreiro de 2020.[2] O cuarto construído a nivel mundial, axudará a triangular as fontes de ondas gravitacionais, mellorando o cálculo da súa posición. Como os outros detectores gravitacionais, é capaz de medir pequenas variacións de distancias ó paso de ondas gravitacionais intensas. A primeira de tales deteccións foi feita polas instalacións LIGO (Laser-Interferometer Gravitational-Wave Observatory, 2 observatorios) en 2015 nos EEUU, podendo só indicar a posición cara á constelación de Orión. O outro dos detectores é o italiano Observatorio Virgo Avanzado (Advanced Virgo observatory)
Está feito de dous túneles en L de 3 km cada un, con espellos a 20 K (-253 °C) nos seus extremos. En KAGRA participan uns 400 científicos de máis de 100 institucións.[1]
Notas
[editar | editar a fonte]- ↑ 1,0 1,1 Kruesi, Liz. "Japan’s KAGRA searches the sky for gravitational waves". symmetry magazine (en inglés). Consultado o 2020-11-28.
- ↑ "KAGRA Gravitational-wave Telescope Starts Observation « KAGRA Large-scale Cryogenic Graviationai wave Telescope Project" (en xaponés). Consultado o 2020-11-28.