Nebulosa Ollo de gato
![](http://178.128.105.246/content-http-upload.wikimedia.org/wikipedia/commons/thumb/d/d8/Catseye-big.jpg/220px-Catseye-big.jpg)
A nebulosa Ollo de gato (NGC 6543) é unha nebulosa planetaria na constelación do Dragón. Estruturalmente é unha das nebulosas máis complexas coñecidas e, observándoa en imaxes de moi alta resolución mediante o telescopio espacial Hubble, amosa regueiros de material e numerosas estruturas a modo de arco.
Descubriuna William Herschel o 15 de febreiro de 1786. O seu espectro foi o primeiro en ser estudado por parte do astrónomo afeccionado William Huggins en 1864.
Os estudos actuais amosan unha natureza complexa con ensarilladas estruturas que poderían estar constituídas co material expelido por unha estrela binaria que acompaña á estrela central. Porén, non hai evidencias directas da presenza da compañeira estelar. Tamén as medidas de porcentaxes dos elementos químicos revelan unha importante discrepancia entre as medidas obtidas polos distintos métodos, e amosan que hai aspectos desta nebulosa que aínda restan por se comprender.