Pseudópodo
Aparencia
![](http://178.128.105.246/content-http-upload.wikimedia.org/wikipedia/commons/thumb/0/08/Amoeba_proteus_with_many_pseudopodia.jpg/300px-Amoeba_proteus_with_many_pseudopodia.jpg)
Un pseudópodo (do grego pseudos falso e de podo pé) é unha prolongación do citoplasma dalgúns organismos unicelulares como as amebas, na cal unha serie de proteínas van fluír nun sentido mediante as fibras de miosina. Isto servirá ó organismo para se desprazar ou se alimentar.
Funcións
[editar | editar a fonte]- Locomoción. Os pseudópodos constitúen un dos tres modos da locomoción dos organismos unicelulares (xunto con flaxelos e cilios).
- Alimentación. Os pseudópodos rodean o alimento ata encerralo nun vacúolo (fagocitose). A fagocitose preséntase en diversos grupos do protistas, pero tamén nalgunhas células (fagocitos) de organismos pluricelulares.
Clasificación segundo a súa morfoloxía
[editar | editar a fonte]
Os pseudópodos poden ser de varios tipos segundo o seu aspecto:
- Lobopodios: grosos, curtos e con extremos arredondados, típicos de Amoebozoa.
- Filopodios:[1] máis finos e cos extremos rematados en punta, consistindo principalmente en ectoplasma. Estas formacións apóianse en microfilamentos.
- Reticulopodios: tamén coñecidos como pseudópodos reticulados, é onde os finos pseudópodos individuais se amorean entre si e forman unha rede irregular no exterior do protozoo. Preséntanse nos foraminíferos.
- Axopodios:[2] son pseudópodos finos, longos e ríxidos. Conteñen complexos grupos de microtúbulos envolvidos por citoplasma. Obsérvanse en radiolarios e en heliozoos. Tamén reciben o nome de actinopodios. Utilízanse principalmente para a alimentación, xa que interveñen na fagocitose ao retraerse rapidamente en resposta a un contacto físico.[3]
- Lamelipodios: son pseudópodos anchos e planos como lamelas usados na locomoción.[3] Están soportados por microfilamentos que se forman no bordo de avance, creando unha rede enguedellada interna.[4]
-
Filopodios nun nucleariida
-
Reticulopodios nun foraminífero
-
Sección dun axopodio amosando os microtúbulos
Véxase tamén
[editar | editar a fonte]Outros artigos
[editar | editar a fonte]- ↑ Definición de filopodio no Dicionario de Galego de Ir Indo e a Xunta de Galicia.
- ↑ Definición de axopodio no Dicionario de Galego de Ir Indo e a Xunta de Galicia.
- ↑ 3,0 3,1 "Pseudopodia". Arcella.nl. May 23, 2017. Arquivado dende o orixinal o 2018-12-16. Consultado o 2018-12-16.
- ↑ Bray, Dennis (2001). Cell Movements: From molecules to motility. 2ª edición.