Rexión do Tirol
![](http://178.128.105.246/content-http-upload.wikimedia.org/wikipedia/commons/thumb/f/f4/Eurorregi%C3%B3n_Tirol-Tirol_del_Sur-Trentino.png/230px-Eurorregi%C3%B3n_Tirol-Tirol_del_Sur-Trentino.png)
![](http://178.128.105.246/content-http-upload.wikimedia.org/wikipedia/commons/thumb/7/7b/Tirol-Suedtirol-Trentino.png/230px-Tirol-Suedtirol-Trentino.png)
O Tirol é unha rexión alpina trilingüe (alemán, italiano e ladino) de Europa, actualmente dividida entre Austria (Tirol do Norte e Oriental, no Estado de Tirol) e Italia (Tirol do Sur e Trentino), que constitúen a Provincia de Bolzano e a Provincia de Trento.
A rexión constituíu o Condado principesco de Tirol pertencente ao Imperio Austrohúngaro ata 1918, en que foi dividida entre Austria e Italia polo Tratado de Saint-Germain-en-Laye e posteriormente ratificado no Acordo De Gasperi-Gruber de 1946.
Actualmente a rexión estase reorganizando na Eurorrexión Tirol-Südtirol/Alto Adigio-Trentino, cunha oficina de representación, a chamada Tirol-Büro ou Ufficio del Tirolo, en Bruxelas, coa fin de mellorar a posición política da rexión na Unión Europea.