Velimir Perasović

Velimir Perasović

(2017)
Biografía
Nacemento	9 de febreiro de 1965 (59 anos) Split
Datos persoais
País de nacionalidade	República Federal Socialista de Iugoslavia Croacia
Altura	195 cm
Peso	82 kg
Actividade
Ocupación	baloncestista , adestrador de baloncesto
Período de actividade	1985 - 2003
Lingua	Lingua croata
Nacionalidade deportiva	República Federal Socialista de Iugoslavia Croacia
Deporte	baloncesto
Posición de xogo	Escolta
Traxectoria   Equipo 1985-1992 KK Split 1992-1993 Club Baloncesto Breogán 1993-1997 Saski Baskonia 1997-2002 Baloncesto Fuenlabrada 2002-2003 CB Lucentum Alicante   Adestrador 2004-2005 Real Betis Baloncesto 2005-2007 Saski Baskonia 2007-2008 CB Estudiantes 2008-2010 KK Cibona 2010-2011 Anadolu Efes S.K. 2012-2015 Valencia BC 2015-2015   Selección de baloncesto de Croacia 2015-2016 Saski Baskonia 2016-2017 Anadolu Efes S.K. 2018-2019 Saski Baskonia 2021- UNICS Kazan
Participou en
1996	Xogos Olímpicos de 1996
1995	EuroBasket 1995 (pt)
1993	EuroBasket 1993 (en)
1993	Jogos do Mediterrâneo de 1993 (pt)
1992	Xogos Olímpicos de 1992
1991	EuroBasket 1991 (en)
1990	Campionato Mundial de Baloncesto de 1990

Velimir Perasović, nado o 9 de febreiro de 1965 en Split, Croacia (Iugoslavia), é un ex xogador e adestrador profesional de baloncesto. Actualmente é o adestrador do UNICS Kazan.

Nado na cidade de Split comezou a xogar ao baloncesto aos catorce anos. En 1981 foi recrutado polo KK Split por aquel entón coñecido como Jugoplastika. Durante a súa etapa júnior proclamouse subcampión do Europeo Júnior de seleccións celebrado en Bulgaria en 1982 e dous anos máis tarde conseguiu xunto aos seus compañeiros a medalla de bronce do Europeo Júnior de Suecia.

Coa Jugoplastika conseguiu gañar a Copa de Europa de clubs en 1989 e 1990, e fixo o propio en 1991 cando a denominación do equipo xa cambiara a "Pop 84". Ademais nos anos 1988, 1989, 1990 e 1991 o seu equipo tamén logrou gañar a liga de Iugoslavia. Coa selección absoluta de Iugoslavia Perasović gañou a medalla de ouro no Campionato do Mundo da Arxentina en 1990 e no Europeo de Italia de 1991. Xa formando parte da selección de Croacia, foi subcampión olímpico en Barcelona 1992 e ademais conseguiu a medalla de bronce nos Europeos de Alemaña 93 e Grecia 1995.

En 1992 Perasovic ficha polo club español Breogán de Lugo da liga ACB onde xoga unha tempada, converténdose no máximo anotador da competición. Despois ficha polo TAU Baskonia da mesma competición co cal se proclama campión da Copa do Rei de 1995. En 1997 ficha polo Baloncesto Fuenlabrada onde xoga até o 2002 ano en que se marcha a xogar ao Lucentum Alicante equipo no que poría fin á súa traxectoria como xogador no 2003. Na súa carreira en España gañou cinco veces o premio ao máximo anotador da ACB e participou noutros tantos All Stars. Ademais foi unha vez máximo anotador da Copa Korać.

Tras retirarse como xogador converteuse en director técnico do KK Split antes de volver a España para facerse cargo do banco do Caja San Fernando, onde foi cesado pouco despois. Meses máis tarde, coa tempada 2005-06 xa empezada faise cargo do TAU Cerámica en substitución de Pedro Martínez e fai historia ao converterse no primeiro adestrador, dende que existe a liga ACB, en conseguir gañar unha Copa do Rei tras conquistala previamente como xogador.^[1]

Na tempada 2006-07, na que xa lograra gañar a Supercopa sufriu unha anxina de peito mentres dirixía ao seu equipo, o TAU Baskonia nun partido fronte ao Akasvayu Girona polo que se viu forzado a deixar os bancos para recuperarse. A inicios da tempada 2007-08, ficha como adestrador do MMT Estudiantes para facerse cargo dun equipo cuxo rexistro de vitorias até a data era de 1-9.^[2] Finalmente tras loitar durante toda a tempada por evitar o descenso, Perasović finaliza a tempada co obxectivo cumprido de salvar ao equipo colexial.^[3] Na tempada 2008-09 volve ao seu país natal para fichar por un equipo histórico que atravesaba unha dura crise económica e deportiva: a Cibona de Zagreb co obxectivo de tentar reconducir a mesma desde o posto de primeiro adestrador.^[4] Tras dous anos no club, adestra durante unha temporada ao Efes Pilsen, para posteriormente regresar á Liga ACB con Valencia Basket e Saski Baskonia. Desde 2021 adestra ao UNICS Kazan ruso.

• Jugoplastika Split (1985–1992)
• DYC Breogán (1992−1993)
• Tau Cerámica (1993−1997)
• Baloncesto Fuenlabrada (1997−2002)
• Lucentum Alicante (2002−2003)

• Caja San Fernando (2004−2005)
• Tau Cerámica (2005−2007)
• MMT Estudiantes (2007−2008)
• Cibona Zagreb (2008−2010)
• Efes Pilsen (2010−2011)
• Valencia Basket (2012−2015)
• Selección de Croacia (2015)
• Laboral Kutxa Baskonia (2015−2016)
• Anadolu Efes (2016−2017)
• Kirolbet Baskonia (2018–2019)
• UNICS Kazan (2021–presente)

• Ficha en ACB.com Arquivado 26 de maio de 2011 en Wayback Machine.