Béisbol
![](http://178.128.105.246/content-http-upload.wikimedia.org/wikipedia/commons/thumb/6/6d/Baseball_swing.jpg/200px-Baseball_swing.jpg)
Béisbol térã baseball (ingleñe'ẽgui base, he'iséva 'váse' térã 'pyenda' ha ball, he'iséva 'manga' térã 'apu'apopo') ha'e peteĩ jetepyso oha'ãhápe mokõi aty, peteĩteĩ orekóva 9 ha'ãhára.
Ojejuhu umi jetepyso ojehugavéva apytépe heta tetãme: Tavakuairetã Ndominikagua, Panama, Ñemby Koréa, Kúva, Amérika Retãvorekuéra Joaju, Kurasáo, Arúva, Hapõ, Nikarágua, Puerto Rríko, Taiuã, Méhiko ha Venesuéla.
Ojehuga va'erã ñu kapi'ipégui ijaho'íva ári, jepémo ndaipóri kapi'ipe upe hasaha hérava ñanihára rape, ha'ãhára oñanihápe ohupyty hag̃ua umi váse oĩva ñu apýpe. Peteĩ ha'ãhára váte oipurúvo ombota va'erã peteĩ apu'apopo omboveve mombyry hag̃ua ñu rupi upe apu'apopo ha upéi oñani va'erã upe hasaha kapi'ipe'ỹvare oñeha'ãmbávo ohupyty hag̃ua ikatuháicha opa vasekuéra, upéicha ojapórõ ipu'akáta peteĩ 'ñeñani', upe aja ha'ãhára ambuéva oñani va'erã ohupyty hag̃ua upe apu'apopo.[1]
Ohenonde'apáta upe aty ipu'akavéva umi ñeñani oikóvo aja 9 ára vorekue, ojeheróva innings (jeikeha), ndaipóriramo peteĩete ohenonde'áva ha ijojáramo ñeñani retakue, ojehuga jey va'erã oĩ meve peteĩ ohenonde'apáva.
Béisbol oñepyrũ umi vakapipopo ñembosaráicha, ojehugaraẽ Ingyatérrape ha heñóijoa umi váte ha apu'apopo ñembosarái ambuéva apytépe, oñemoherakuãve Tetãvorekuéra Joajúpe ha upépe ojejapo hembiapoukapyrã.
Ko jetepyso ne'ĩra oreko herarã avañe'ẽ ha ojeipuru héra karaiñe'ẽme térã ingleñe'ẽme, ikatu oñembohasa 'mangapyenda' térã 'mangaváse', jepémo ndaha'éi jetepyso ojehugaitéva oñeñe'ẽhápe guarani ha upévare hera'ỹ gueteri.
Mandu'apy
[jehaijey | emoambue kuatia reñoiha]- ↑ "Official Baseball Rules." Major League Baseball.