Mahatma Gandhi
![](http://178.128.105.246/content-http-upload.wikimedia.org/wikipedia/commons/thumb/7/7a/Mahatma-Gandhi%2C_studio%2C_1931.jpg/260px-Mahatma-Gandhi%2C_studio%2C_1931.jpg)
Mohandas Karamchand Gandhi (Porbandar, Índia Vyretáña pegua; 2 jasypa ary 1869-Ndéli Pyahu, Índia Joaty; 30 jasyteĩ ary 1948) ha'e niko Índia retã hekosãso omyakãva herakuãvéva ha ombohováiva Tavetã Joaju ñesãmbyhýre, upéicha ohechaukarã nomomba'éi tetã pytagua ñesãmbyhy hetãme, ñoraiõ'ỹ ha py'aguapýpe oheka hetã rekosãsorã. Ha'e akue ojokuaikuaáva ha ñe'ẽngára Índia pegua, ojerovia va'ekue Indu rapépe. Karai Rabindranath Tagore ombohéra chupe Mahatma (Sánskrito ha hindi ñe'ẽme mahā: ‘guasu’ ha ātmā: ‘ánga’, 'ánga guasu').[1] Índia retãme oñembohéra avei chupe Bāpu (બાપુ, ‘túva’ gujarati ñe'ẽme).
Índia hekosãsóma rire, Gandhi omoambuese hetãygua reko tee, oñepyrũ ombojoporase umi "indu avano'õ vore" ojeheróva castas (umi shudras he'iséva ‘tembiguaikuéra’, umi pária he'iséva ‘ndaikatúiva ojepoko hesekuéra’ ha umi mlechas he'iséva ‘pytagua’), ha omoporãse oñemitỹhápe. Ivai chupe umi oñorairõséva ojupe ijerovia ambuévare, upéicha ojehechágui Índiape hekosãso ramóva, ha upe aja oipysyrõ umi Islãre ojeroviávare Índia retãme, ipahápe katu, ára 30 jasyteĩ ary 1948-pe, peteĩ ojerovia reíva Indu rapére ha héra Nathuram Godse ojuka Gandhi-pe, orekóvo 78 ary. Hetekue tanimbu oñemoĩ Ganges ysyrýpe.
Mandu'apy
[jehaijey | emoambue kuatia reñoiha]- ↑ Sabiasachi BHATTACHARIA: The mahatma and the poet. Nueva Delhi (India): National Book Trust, 1997.
Joajuha
[jehaijey | emoambue kuatia reñoiha]Wikimedia Commons oguereko ta'ãnga Mohandas Gandhi reheguaCommons.