Ogaygua
![](http://178.128.105.246/content-http-upload.wikimedia.org/wikipedia/commons/thumb/b/b2/Dad%2C_mom_and_four_%282101537156%29.jpg/250px-Dad%2C_mom_and_four_%282101537156%29.jpg)
Ogaygua ha'e yvypóra aty oñembojoajúva taha'e ha'éva oipotágui, techapyrã oĩrõ mokõi omendáva ha imembýva, térã ojehe'áva peteĩchaguágui huguy (ijypykue jojáva), techapyrã joyke'y.[1] Ikatu he'ise avei tapichakuéra oikojoáva peteĩ ógape, upéve oje'e "ogaygua" térã "ogagua".[2] Yvypóra Tekoiterape Kuaaukaha Pavẽ he'iháicha, ogaygua ha'e avano'õ mba'etee, heko oparupíva ha imopyendaha, Tetã ha tekovekuéra no'õ oñangareko va'erã hese .[3]
Mokõichagua oñembojoajuháicha ogayguakuéra: ojohayhúva ha oikojoaséva, ha'éva mokõiva omendávo —jepémo oĩ tetã ha avano'õ ikatuhápe oiko hetave omendáva—, ha ambue katu umi peteĩchaguágui huguy, ha'éva sy ha túva omomembývo térã umíva joyke'yhápe.
Ndaha'éi oparupi ogaygua ipeteĩchaguáva ha heta iñambue yvy ape ári. Avakuaaty ha avarekokuaaty rupive ikatu jaikuaave ogaygua ha hesakãve ñandéve mba'épa hembiapo tetãme ha avano'õme. Ogaygua oñembojehegua ha oñembojepokuaa avano'õ rupi, upévare iñambueite ára ohasávo ha tetã tetãre.[4]
Mandu'apy
[jehaijey | emoambue kuatia reñoiha]- ↑ Roche, Roberto. Psicología de la pareja y de la familia: análisis y optimización. p. 9. https://books.google.cl/books?id=tD-gcwb_HLIC.
- ↑ Real Academia Española (2001). «Familia». Ojehechákuri árape: 7 de agosto de 2015.
- ↑ Declaración_Universal_de_los_Derechos_Humanos, artículo 16: La familia es el elemento natural y fundamental de la sociedad y tiene derecho a la protección de la sociedad y del Estado.
- ↑ Valdivia Sánchez, Carmen (2008). «La familia: concepto, cambios y nuevos modelos». La Revue du REDIF, vol. 1 pp. 15-22. Archivado del original el 10 de octubre de 2015. https://web.archive.org/web/20151010045416/http://spereira.cl/Imagenes/familia.pdf.