Marlene Dietrich
This article is written in Gun (Gungbe) |
![](http://178.128.105.246/content-http-upload.wikimedia.org/wikipedia/commons/thumb/1/1e/Marlene_Dietrich_02b.jpg/220px-Marlene_Dietrich_02b.jpg)
Marlene Dietrich (azán koatọ́n-nukunawetọ Awewesun 1901 jẹ azán ṣidopotọ Nuwhàsun 1992) yin aihundatọ dé to otò Germany po Amẹlika po tọn mẹ. E yin yọnnusi tintan he yin aihun aidedai tọn datọ dé he geze to Azọnwhe aidedai tọn Hollywood tọn to otò Germany tọn mẹ. To nudide whenu dindẹn tọn etọn mẹ, e bẹjẹeji taidi hànjitọ de po Aihundatọ dé po to sinima tele tọn ji, to otò Berlin ton mẹ to owhe 1920 lẹ ṣẹnṣẹn. Bọ to owhe 1930 lẹ ṣẹnṣẹn e lẹzun Aihundatọ Azọnwhe Hollywood tọn, bọ to wẹkẹwhan awetọ whenu e yin dopo to aihundatọ he hẹn lanmẹya na gbẹtọ lẹ po awhanfuntọ lẹ po to Awhan nukọn ti owhe 1940 lẹ ṣẹnṣẹn. Enẹgodo wẹ e wa lẹzun aihundana aihuntọ dé bo basi sinima bọ aihọn lẹpò nọ pọn, sọn owhe 1950 lẹ yí jẹ owhe 1970 lẹ ṣẹnṣẹn. Dietrich wa lẹzun dopo to gbẹtọ tangan he to aihunadida ayidedai tọn da to owhe etọn nu lẹ mẹ. Azọnwhe sinima tọn America tọn he no yin The American Film Institute wa zee dó gbẹtọ ṣinẹnẹtọ to yọnnusi vonọtaun he to aihunadida ayidedai tọn da to wheetọnnu. Dietrich sọ yin mẹde he dọn sunnu po yọnnu po dogo. Etlẹ yin yọpọvu lẹ po mẹho lẹ lọsu po ga. To 1937 wẹ e wa lẹzun Otovi America tọn.