Alan Rickman
She aghteyr as stiureyder Sostynagh va Alan Sidney Patrick Rickman (21 Toshiaght Arree 1946 – 14 Jerrey Geuree 2016). Va enney mie er son e ghoo lhiastagh, dowin. Ren eh traenal ec Colleish Reeoil ny h-Ellynyn Dramadagh ayns Lunnin as haink er dy ve ny oltey jeh'n Royal Shakespeare Company (RSC), raad ren eh cloie ayns obbraghyn theateragh noa-emshiragh as classicagh. Ren eh cloie Vicomte de Valmont 'sy ghientyn ardan yn RSC jeh'n chloie Les Liaisons Dangereuses (1985), as erreish da arraghey yn ghientyn dys y West End ayns 1986 as Broadway ayns 1987, v'eh enmyssit son Aundyr Tony.
Haink y chied phaart 'sy scannaneaght echey myr y fer toshee atçhimagh Germaanagh Hans Gruber ayns Die Hard (1988). Chammah's shen, ren eh cloie Shirrym Nottingham ayns Robin Hood: Prince of Thieves (1991), raad chossyn eh Aundyr BAFTA son yn Aghteyr Share ayns Paart Co-hassooagh; Elliott Marston ayns Quigley Down Under (1990); Jamie ayns Truly, Madly, Deeply (1991); P.L. O'Hara ayns An Awfully Big Adventure (1995); Colonel Brandon ayns Sense and Sensibility (1995); Éamon de Valera ayns Michael Collins (1996); Alexander Dane ayns Galaxy Quest (1999); Metatron ayns Dogma (1999); Severus Snape ayns straih Harry Potter (2001–2011); Harry ayns Love Actually (2003); Marvin the Paranoid Android ayns The Hitchhiker's Guide to the Galaxy (2005); as Judge Turpin ayns Sweeney Todd: The Demon Barber of Fleet Street (2007).
Hoshee Rickman cloie er y çhellveeish tra ren eh cloie Tybalt ayns Romeo and Juliet (1978) myr ayrn jeh straih Shakespeare liorish y BBC. She yn chied phaart mooar v'echey na myr Obadiah Slope 'syn aa-chummey çhellveeish jeh The Barchester Chronicles (1982) liorish y BBC. Ny s'anmey, ren eh cloie ayns scannaneyn çhellveeish, goaill stiagh y paart myr y karacteyr enmyssagh ayns Rasputin: Dark Servant of Destiny (1996), raad chossyn eh Aundyr Golden Globe, Aundyr Emmy as Aundyr y Screen Actors Guild, as Alfred Blalock ayns Something the Lord Made (2004).
Hooar Rickman baase kyndagh rish kanghyr y fairaig villish er 14 Jerrey Geuree 2016 tra v'eh 69 bleeaney d'eash.[1][2] V'ad ny paartyn jerrinagh echey myr Aaghineraal Frank Benson 'sy scannane creauagh Eye in the Sky (2015), as gooy phraddag ayns Alice Through the Looking Glass (2016).
Imraaghyn
[reagh | edit source]- ↑ "Alan Rickman, Harry Potter and Die Hard actor, dies aged 69", BBC News (14 Jerrey Geuree 2016). Feddynit magh er 20 Sauin 2016. Er ny hashtey veih'n lhieggan bunneydagh er 20 Sauin 2016.
- ↑ "Alan Rickman: British actor died from 'pancreatic cancer'" (15 Jerrey Geuree 2016). Feddynit magh er 23 Sauin 2018. Er ny hashtey veih'n lhieggan bunneydagh er 2016-01-15.
Kianglaghyn magh
[reagh | edit source]![](http://178.128.105.246/content-http-upload.wikimedia.org/wikipedia/commons/thumb/d/d6/Wikiquote-logo-en.svg/49px-Wikiquote-logo-en.svg.png)
![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- Alan Rickman ec IMDb
- Ruggyryn 'sy vlein 1946
- Baaseyn 'sy vlein 2016
- Stiureyderyn scannane firryn Sostynagh
- Aghteyryn scannane firryn Sostynagh
- Aghteyryn ardan firryn Sostynagh
- Aghteyryn çhellveeish firryn Sostynagh
- Aghteyryn gamman-feeshan firryn Sostynagh
- Aghteyryn goo firryn Sostynagh
- Sostynee jeh sluight Yernagh
- Sostynee jeh sluight Bretnagh
- Stiureyderyn theater firryn Sostynagh
- Aghteyryn ass Lunnin
- Deiney ass Acton, Lunnin
- Deiney ass Hammersmith