Thomas Edison
Thomas Alva Edison (11 February 1847 - 18 October 1931) ek American inventor rahaa, jon dher chij invent karis rahaa. Bahut log soche hae ki uu electric light bulb ke invent karis rahaa, lekin uu iske khaali aur achchhaa karis jisse ki ii bulb aur jaada din talak chale.
Edison sab se jaada chij ke incent karis rahaa - puura milae ke 1093.
Thomas Alva Edison ke janam Milan, Ohio me bhais rahaa. Jab Edison saat saal ke rahaa, tab uu aapan palwaar ke saathe Port Huron, Michigan rahe khatir chal diis. Edison, bemari ke kaaran, school deri me suruu karis rahaa. Tiin hafta ke baad uske school se hatae dewa gais kahe ki uu teacher ke baat pe dhyan nai dhe sakat rahaa. Uske maiya, jon ki Canada me ek teacher rahii, Edison ke ghare parrhais.
Jab Edison 14 saal ke rahaa tab uske scarlet fever hoe gais. Ii fever aur ek train ke conductor ke uske murr me maare ke kaaran uu bahira hoe gais. Uu Morse code aur telegraph ke kaam me laawe ke sikhis, aur ek telegraph operator ke kaam suruu karis. 16 saal ke umar me uu pahila invention invention banais, jiske naam "automatic repeater" rahaa. Ii chij telegraph signals dui unmanned stations ke biich me bhejat rahaa.
1868 me Edison me Boston, Massachusetts jaae ke Western Union Company me telegraph operator ke kaam kare lagaa. Iske baad uu "electric vote-recording machine" banais.
Iske baad uu New York, New York gais aur huan pe ek company ke machine ke repair kare ke kaam kare lagaa. 29 saal ke umar me uu carbon transmitter pe kaam kare ke suruu karis, jiske kaaran Alexander Graham Bell ke nawaa telephone ke aur jor kar diis. 1877me , Edison phonograph ke invent karis, jon ki pahila machine rahaa jon ki sound ke record aur bajae sakat rahaa. Iske kaaran uu dunia bhar me famour hoe gais.
Palwaar
[badlo | source ke badlo]1871 me uu Mary Stilwell se saadi karis aur uske tiin larrkan bhais. Mary Edison 1884 me mar gais aur uu firMina Miller se saadi karis aur uske tiin aur larrkan bhais.
Duusra websites
[badlo | source ke badlo]![](http://178.128.105.246/content-http-upload.wikimedia.org/wikipedia/commons/thumb/f/fa/Wikiquote-logo.svg/34px-Wikiquote-logo.svg.png)
- Edison cylinder recordings, from the Cylinder Preservation and Digitization Project at the University of California, Santa Barbara Library.
- 4-disc DVD set containing over 140 films produced by the Thomas Edison Company.
- Complete list of 1,093 patentsTemplate:Fix/category[dead link].