Kurt Krjeńc
![](http://178.128.105.246/content-http-upload.wikimedia.org/wikipedia/commons/thumb/d/dd/Kurt_Krje%C5%84c.jpg/170px-Kurt_Krje%C5%84c.jpg)
Kurt Krjeńc (němsce Kurt Krenz; * 7. julija 1907 w Malešecach, † 28. nowembra 1978 w Budyšinje) bě serbski komunistiski politikar a dołholětny předsyda Domowiny.
Krjeńc narodźi so jako syn Malečanskeho skałarja a wuknješe we Wulkej Dubrawje powołanje pórclinoweho tružerja. Hižo 1923 zastupi wón do KPD a bě tež aktiwnje w Serbskim Sokole. 1933 bu Krjeńc nachwilnje w koncentraciskim lěhwje Hohnstein (Sakska Šwica) zajaty. Po Druhej swětowej wójnje bě Krjeńc najprjedy wokrjesny a pozdźišo wobwodny sekretar KPD resp. Zjednoćeneje socialistiskeje strony Němskeje; wot 1949 hač do jeho smjerće tež zapósłanc Ludoweje komory NDR za SED.
![](http://178.128.105.246/content-http-upload.wikimedia.org/wikipedia/commons/thumb/d/df/Male%C5%A1ecy_%E2%80%93_row_Kurta_Krje%C5%84ca_1.jpg/220px-Male%C5%A1ecy_%E2%80%93_row_Kurta_Krje%C5%84ca_1.jpg)
Skónc 1950 rozsudźi so wobwodne wjednistwo SED za Krjeńca jako naslědnik předsydy Domowiny Pawoł Nedo, kotryž bě zwjazk łužiskich Serbow wot 1933 hač do zakaza 1937 a znowa wot 1945 nawjedował. Nedo bu 1951 do Drježdźan přesadźeny a Krjeńc jako přiwisnik SED předsyda. Pod nim wjednistwom bu organizacija přestrukturowana a do systema NDR zawjazana. Posrědkowanje socializma pola Serbow bě wot toho hłowny cil Domowiny.
Kurt Krjeńc wosta 22 lět předsyda Domowiny, hač do jeho wotstupjenja 1973 dla strowotniskich přičin. Po tym bu zastojnstwo předsydy wotstronjeny a hakle 1990 w času demokratizacije Domowiny znowa wobsadźeny.
Spisy
[wobdźěłać | žórłowy tekst wobdźěłać]- Krenz, Kurt: DOMOWINA - die nationale Organisation der Lausitzer Sorben, Schriftenreihe über die Sorben, Heft 3, Ministerium für Volksbildung der DDR, 1954
- Jan. Roman pytaceho čłowjeka. Budyšin 1955, 539 str.
- z Měrćinom Nowakom-Njechorńskim: Wonec nan, knježi ćělc a syčomłóćawa. Zběrka podawiznow ze serbskeje wsy. Budyšin 1960, 166 str.
Literatura
[wobdźěłać | žórłowy tekst wobdźěłać]- Elle, Ludwig: Die Domowina in der DDR, Ludowe nakładnistwo Domowina, Budyšin 2010
Wotkaz
[wobdźěłać | žórłowy tekst wobdźěłać]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Arnošt Bart (1912–1927) • Jakub Šewčik (1927–1930) • Jan Křižan (1930–1933) • Pawoł Nedo (1933–1950) • Kurt Krjeńc (1951–1973) • Jurij Grós (1964–1990) • Bjarnat Cyž (1990–1991) • Jan Pawoł Nagel (1991–1992) • Jakub Brankačk (1993–2000) • Jan Nuk (2000–2011) • Dawid Statnik (wot 2011)