Leo Varadkar
![](http://178.128.105.246/content-http-upload.wikimedia.org/wikipedia/commons/thumb/4/48/Leo_Varadkar_2016.jpg/170px-Leo_Varadkar_2016.jpg)
Leo Varadkar (* 18. januara 1979 w Dublinje) je irski politikar a wot lěta 2007 čłon irskeho parlamenta Dáil Éireann. Wot 2. junija 2017 je předsyda strony Fine Gael a bě wot 14. junija 2017 hač do 27. junija 2020 jako naslědnik Endy Kenny ministerski prezident Irskeje.
Varadkar je syn lěkarja z Indiskeje a irskeje chorobneje sotry. Studowaše medicinu při Dublinskim Trinity College a dźěłaše jako lěkar w měsće. W meji 2007 bu za Fine Gael do parlamenta woleny. Wot 9. měrca 2011 bě z ministrom za wobchad, turizm a sport w kabineće ministerskeho prezidenta Endy Kenny; po přetworjenju kabineta bě wot 2014 strowotniski minister. Po wotstupje ministerskeho prezidenta bu woleny za noweho předsydu strony.
W januarje 2015 – štyri měsacy do referenduma wo připóznaće homoseksualnych mandźelstwow – wozjewi Varadkar jako prěni minister w stawiznach katolskeje Irskeje, zo je homoseksualny.
Wotkaz
[wobdźěłać | žórłowy tekst wobdźěłać]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)