Mnichowske zrěčenje
![](http://178.128.105.246/content-http-upload.wikimedia.org/wikipedia/commons/thumb/9/9c/Bundesarchiv_Bild_183-R69173%2C_M%C3%BCnchener_Abkommen%2C_Staatschefs.jpg/220px-Bundesarchiv_Bild_183-R69173%2C_M%C3%BCnchener_Abkommen%2C_Staatschefs.jpg)
![](http://178.128.105.246/content-http-upload.wikimedia.org/wikipedia/commons/thumb/d/d6/Sudet%C5%A1t%C3%AD_N%C4%9Bmci_d%C4%9Bkuj%C3%AD_V%C5%AFdci_AH.jpg/220px-Sudet%C5%A1t%C3%AD_N%C4%9Bmci_d%C4%9Bkuj%C3%AD_V%C5%AFdci_AH.jpg)
Mnichowske zrěčenje (němsce Münchner Abkommen) bě zrěčenje mjez nacionalsocialistiskej Němskej, Zjednoćenym kralestwom, Francoskej a Italskej, w kotrymž dojednachu so tute wulkomocy na přizamknjenje dotal k Čěskosłowakskej słušaceho a zwjetša wot Němcow wobydleneho Sudetskeho kraja k Němskemu mócnarstwu. Zrěčenje bu w nocy wot 29. na 30. septembra 1938 w Mnichowje podpisane. Při jednanjach njeběchu zastupjerjo potrjecheneje Čěskosłowakskeje přitomni. Wulkomocy chcychu ze zrěčenjom měrliwje rozrisać tak mjenowanu Sudetsku krizu a spokojić Němske mócnarstwo pod Adolfom Hitlerom.
Na jednanjach wobdźěleni běchu Neville Chamberlain za wulkobritanisku, Édouard Daladier za francosku, Benito Mussolini za italsku a Hitler za němsku stronu.
Jako wotrunanje měještej Zjednoćene kralestwo a Francoska teritorialnu integritu zbytneje Čěskosłowakskeje garantować. Njehladajo na to buchu tute kónčiny (němsce Rest-Tschechei) dnja 15. měrca 1939 – jenož poł lěta po potpisanju Mnichowskeho zrěčenja – wot němskeho wójska wobsadźene.
Wotkazaj
[wobdźěłać | žórłowy tekst wobdźěłać]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Tekst Mnichowskeho zrěčenja na glasnost.de (němsce)